രോഹിത് ശർമ്മയോട് എബി ഡിവില്ലിയേഴ്സിൻ്റെ എളിയ അഭ്യർത്ഥന
ലോകക്കപ്പ് നോക്കൌട്ട് സ്റ്റേജ് എത്തി നില്‍ക്കുമ്പോള്‍ ഇന്ത്യയെ പ്രധാനമായി അലട്ടുന്നത് മുന്‍ ക്യാപ്റ്റന്‍ കോഹ്ലിയുടെ മോശം ഫോം ആണ്.അദ്ദേഹത്തിനെ ഓപ്പണര്‍ ആയി ഇറക്കുന്നത് നിര്‍ത്തണം എന്നു പലരും രോഹിത്തിനോട് പരസ്യമായി പറയുകയും ചെയ്തിരുന്നു.എന്നാല്‍ ക്യാപ്റ്റന്‍ ഇപ്പോഴും കോഹ്ലിയെ ഓപ്പണര്‍ ആയി ഇറക്കുകയാണ്.ഇന്നതെ മല്‍സരത്തില്‍ ആദ്യം ഇറങ്ങി കോഹ്ലിക്ക് കാര്യമായി ഒന്നും ചെയ്യാന്‍ കഴിഞ്ഞില്ല.
കോഹ്ലിയുടെ ഈ ഫോം മങ്ങലിന് കാരണം ഓപ്പണര്‍ ആയി ഇറക്കുന്നത് മാത്രം എന്നു പറഞ്ഞു രംഗത്ത് എത്തിയിരിക്കുകയാണ് മുന്‍ ദക്ഷിണാഫ്രിക്കന്‍ താരം ആയ ഡിവില്ലിയേഴ്സ്.”വിരാട് മൂന്നാം നമ്പറിൽ ബാറ്റ് ചെയ്യൂ എന്ന് ഞാൻ എപ്പോഴും പറയാറുണ്ട്. പ്രത്യേകിച്ചും അമേരിക്കയിലെ നല്ല വിക്കറ്റില്‍ അദ്ദേഹത്തിന് അതാണ് അനുയോജ്യം.അയാൾക്ക് അറ്റാക്കിംഗ് ഗെയിം കളിക്കാനും ആവശ്യമെങ്കിൽ പിന്നോട്ട് വലിച്ച് സമ്മർദ്ദം ആഗിരണം ചെയ്യാനും കഴിയും. മിഡിൽ ഓവറിൽ ലോകത്തിലെ ഏറ്റവും മികച്ച കളിക്കാരനാണ് അദ്ദേഹം.അത് പോലൊരു താരത്തിനെ ഓപ്പണര്‍ ആയി കളിപ്പിക്കുന്നത് ലോകത്തിലെ തന്നെ ഏറ്റവും മണ്ടന്‍ തീരുമാനമായി ഞാന്‍ കാണുന്നു.”ഡിവില്ലിയേഴ്സ് തൻ്റെ യൂട്യൂബ് ചാനലിലെ വീഡിയോയിൽ പറഞ്ഞു.
