മാൻ യുണൈറ്റഡിൻ്റെ മേസൺ ഗ്രീൻവുഡിനായി യുവൻ്റസ്, ലാസിയോ ത്രികോണ മല്‍സരം
മാഞ്ചസ്റ്റർ യുണൈറ്റഡ് ഫോർവേഡ് മേസൺ ഗ്രീൻവുഡിനേ സൈന്‍ ചെയ്യാന്‍ ലാസിയോ വളരെ അടുത്ത് എത്തി നില്‍ക്കുകയാണ്.എന്നാല്‍ താരത്തിനെ സൈന്‍ ചെയ്യാന്‍ യുവൻ്റസിൽ നിന്ന് ഒരു പ്രൊപോസല്‍ വന്നതോടെ ലാസിയോ കാമ്പ് അല്പം ആശങ്കയില്‍ ആണ്.ഗെറ്റാഫെയ്‌ക്കൊപ്പം കഴിഞ്ഞ സീസണിൽ ലോണിൽ ചെലവഴിച്ച ഗ്രീൻവുഡിന് വേണ്ടിയുള്ള ഒരു കരാറിനെക്കുറിച്ച് ലാസിയോയും യുണൈറ്റഡും ചർച്ചകൾ ആരംഭിച്ചു കഴിഞ്ഞിരുന്നു.
യുണൈറ്റഡ് ഏകദേശം 30 മില്യണ്‍ യൂറോ ആണ് താരത്തിനെ വില്‍ക്കുമ്പോള്‍ പ്രതീക്ഷിക്കുന്നത്.ഒരു വർഷം മുമ്പ് ഗെറ്റാഫെ താരത്തിനെ ലോണില്‍ സൈന്‍ ചെയ്യുമ്പോള്‍ തന്നെ ലാസിയോ വന്നിരുന്നു, എന്നാല്‍ ചില കാരണങ്ങളാല്‍ അത് നടന്നില്ല.ആ അബദ്ധം ഈ സമ്മര്‍ വിന്‍റോയില്‍ നടക്കരുത് എന്ന നിര്‍ബന്ധം അവര്‍ക്കുണ്ട്.താരത്തിനു വേണ്ടി പലരും യുണൈറ്റഡുമായി ബന്ധപ്പെട്ടു എങ്കിലും മറ്റൊരു വായ്പാ നീക്കത്തിന് സമ്മതിക്കുന്നതിനുപകരം ഈ വേനൽക്കാലത്ത് ഒരു സ്ഥിരമായ കൈമാറ്റം നടത്താനാണ് യുണൈറ്റഡ് താൽപ്പര്യപ്പെടുന്നത്.ഇനിയും താരത്തിനെ ക്ലബുമായി ബന്ധിപ്പിക്കാന്‍ മാനേജ്മെന്‍റ് ആഗ്രഹിക്കുന്നില്ല.
