ആര്‍ജന്‍റയിന്‍ താരങ്ങള്‍ക്ക് മുന്നറിയിപ്പ് നല്കി ലയണല്‍ മെസ്സി – ” കോപ കഠിനം ആകും “
കഴിഞ്ഞ തവണ ചാംപ്യന്‍മാര്‍ ആയി എന്നു വിചാരിച്ച് കളിയില്‍ ഉഴപ്പിയാല്‍ കോപയില്‍ വലിയ തോല്‍വി ആയിരിയ്ക്കും തങ്ങള്‍ നേടാന്‍ പോകുന്നത് എന്നു മെസ്സി പറഞ്ഞു.കോപ നിലനിര്‍ത്തുക എന്നത് വലിയ ബുദ്ധിമുട്ടുള്ള കാര്യം ആണ് എന്നു പറഞ്ഞ അദ്ദേഹം കഴിഞ്ഞ തവണ പുറത്ത് എടുത്തതിനെക്കാള്‍ പ്രകടനം നന്നായാല്‍ മാത്രമേ ഇത്തവണ ചാമ്പ്യന്മാര്‍ ആവാന്‍ പോവുകയുള്ളൂ എന്നും അദ്ദേഹം പറഞ്ഞു.
‘ഇത്തവണ കോപ ടീമുകള്‍ എല്ലാം വളരെ മികച്ച ഫോമില്‍ ആണ്.നല്ല യുവ രക്തം ഉള്ള ഇക്വഡോര്‍,എന്താണ് വേണ്ടതെന്ന് അവർക്ക് നന്നായി അറിയാം. വളരെ അധികം തീവ്രതയോടെ ആണ് അവര്‍ കളിക്കുന്നത്.ശാരീരികമായും ശക്തരാണ് അവര്‍.ടൂര്‍ണമെന്റില്‍ നോട്ട പുള്ളികള്‍ ആയ ടീമുകളില്‍ – കൊളംബിയയും ഉറുഗ്വേയും ഉണ്ട്.പിന്നീട് ബ്രസീലിന്റെ കാര്യം എല്ലാവര്ക്കും അറിയുകയും ചെയ്യാം.ഇത്രക്ക് മികച്ച ടീമുകള്‍ ഉള്ളപ്പോള്‍ ഞങ്ങള്‍ ആണ് ലോക ചാമ്പ്യന്മാര്‍ എന്ന് പറയുന്നതില്‍ ഒരു അര്‍ത്ഥവുമില്ല.”മെസ്സി മാധ്യമങ്ങളോട് പറഞ്ഞു.ഈ കോപ ടൂര്‍ണമെന്റില്‍ ആരും തന്നെ ഫേവറിറ്റ്സ് ഇല്ല എന്നും അതിനാല്‍ മല്‍സരങ്ങള്‍ വളരെ അധികം രസിപ്പിക്കും എന്നും അദ്ദേഹം പറഞ്ഞു.
