ഈ ഗൂളര്‍ വന്നിരിക്കുന്നത് അങ്ങനെ അങ്ങ് പോകാന്‍ അല്ല !!!!!!!
യൂറോയില്‍ ഇതുവരെ നടന്ന മല്‍സരങ്ങളില്‍ ഒന്നും ബ്രേക്ക് ഔട്ട് താരങ്ങള്‍ക്ക് കാര്യമായ ഒന്നും ചെയ്യാന്‍ കഴിഞ്ഞില്ല.കഴിഞ്ഞ ദിവസം കാന്‍റെ തന്റെ പ്രകടനം കൊണ്ട് ആരാധകരെ വീണ്ടും ത്രസിപ്പിച്ചു.ഇന്നലത്തെ മല്‍സരത്തില്‍ പോര്‍ച്ചുഗലില്‍ നിന്നും ഒരു മിന്നും പ്രകടനം പ്രതീക്ഷിച്ചു എങ്കിലും ആരാധകര്‍ക്ക് നിരാശയായിരുന്നു ഫലം.വെറും ഒരു ഗോള്‍ ലീഡില്‍ ആണ് അവര്‍ ജയം നേടിയത്.
എന്നാല്‍ ഇന്നലെ നടന്ന മറ്റൊരു മല്‍സരത്തില്‍ ഒരു യുവ താരം തന്റെ വരവ് അറിയിച്ചിരിക്കുകയാണ്.അത് മറ്റാരും അല്ല – ടൂര്‍ക്കിഷ് മുന്നേറ്റ താരമായ ആര്‍ദ ഗൂളര്‍ ആണ്. താരം യൂറോയിലേക്ക് വരുമ്പോള്‍ ആരും തന്നെ അദ്ദേഹത്തിന് വലിയ പ്രതീക്ഷ ഒന്നും നല്‍കിയിരുന്നില്ല.ഇന്നലത്തെ മല്‍സരത്തില്‍ ഇടം കാല് കൊണ്ട് ജോര്‍ജിയന്‍ ഗോള്‍ കീപ്പര്‍ ആയ ജോർജി മമർദാഷ്വിലിക്ക് ഒരു സാധ്യത പോലും നാല്‍കാതെ ആണ് ഗൂളര്‍ സ്കോര്‍ ബോര്‍ഡില്‍ ഇടം നേടിയത്.ഒരു യൂറോയിൽ അരങ്ങേറ്റത്തിൽ ഗോൾ നേടുന്ന ഏറ്റവും പ്രായം കുറഞ്ഞ കളിക്കാരനായി അദ്ദേഹം മാറി.പോര്‍ച്ചുഗല്‍ താരം ആയ റൊണാള്‍ഡോയുടെ റിക്കോര്‍ഡ് ആണ് താരം മറികടന്നത്.
വളരെ നന്നായി ഡ്രിബിള്‍ ചെയ്യുകയും മികച്ച ലോങ് പാസ്,ത്രൂ പാസ്,ഇതിനൊന്നും സാധിച്ചില്ല എങ്കില്‍ മികച്ച കേര്‍ളിങ് ഷോട്ട് – ഇത് പോലെ താരത്തിന്റെ പോക്കറ്റില്‍ ഉള്ള ട്രിക്കുകള്‍ പലതാണ്.റയല്‍ മാഡ്രിഡ് നല്കിയ പരിശീലന സെഷനുകള്‍ താരത്തിനെ കൂടുതല്‍ മികച്ച താരം ആക്കി മാറ്റിയിരിക്കുന്നു എന്നതിന് തെളിവും ഇത് തന്നെ
