യൂറോ 2024 ; നിറം മങ്ങിയ വിജയവുമായി ഫ്രാന്‍സ്
യൂറോ 2024 ലെ തങ്ങളുടെ ആദ്യ ഗ്രൂപ്പ് ഡി മത്സരത്തിൽ ജയം നേടി എങ്കിലും ഫ്രാന്‍സ് വളരെ ആശയകുഴപ്പത്തില്‍ ആണ്.ഒന്നാമത് വളരെ ദുര്‍ഭലര്‍ ആയ ഓസ്ട്രിയക്കെതിരെ ഒരു ഗോളിന് മാത്രം ആണ് ജയം നേടിയത്.അതും ഒരു സെല്‍ഫ് ഗോള്‍!!!!ഓസ്ട്രിയ ഡിഫൻഡർ മാക്സ് വോബറിൻ്റെ സെൽഫ് ഗോൾ ആണ് ഫ്രാന്‍സിന് ജയം സമ്മാനിച്ചത്.
മറ്റൊന്നു അവരുടെ സ്റ്റാര്‍ പ്ലേയര്‍ ആയ കൈലിയൻ എംബാപ്പെക്ക് പരിക്ക് സംഭവിച്ചിരിക്കുന്നു. അദ്ദേഹത്തെ 90 ആം മിനുട്ടില്‍ മാനേജര്‍ പിച്ചില്‍ നിന്നും കയറ്റിയിരുന്നു.മാനേജർ ദിദിയർ ദെഷാംപ്‌സിന് ഫ്രാൻസില്‍ 100 ആമത്തെ വിജയം ആണ് ഇന്നലെ താരങ്ങള്‍ സമ്മാനിച്ചത്.കഴിഞ്ഞ യൂറോയില്‍ സ്വിറ്റ്‌സർലൻഡിനെതിരെ പരാജ്യപ്പെട്ടു പുറത്തു പോയ ഫ്രാന്‍സിന് ഇത്തവണ വലിയ മുന്നേറ്റം നടത്താന്‍ കഴിയും എന്നു പലരും കരുതി.
മാര്‍ക്കസ് തുറം,ഗ്രീസ്മാന്‍,ഉസ്മാന്‍ ഡെംബാലെ എന്നിവര്‍ക്ക് ഇന്നലെ മികച്ച പ്രകടനം കാഴ്ചവെക്കാന്‍ കഴിഞ്ഞില്ല.ശക്തമായ പ്രതിരോധവും ഭാഗ്യവും ആണ് ഇന്നലെ ഫ്രാന്‍സിനെ പലപ്പോഴും രക്ഷിച്ചത്.ഇന്നലത്തെ ഫ്രാന്‍സിന്റെ ഏറ്റവും സന്തോഷ വാര്‍ത്ത തിരിച്ച് വന്ന എങ്കാളോ കാന്‍റെയുടെ ഡബിള്‍ എന്‍ജിന്‍ പ്രകടനം ആണ്. പിച്ചില്‍ ഉട നീളം ഓടി കളിച്ച അദ്ദേഹം ഓസ്ട്രിയന്‍ താരങ്ങള്‍ക്ക് തലവേദന സൃഷ്ട്ടിച്ച് കൊണ്ടിരുന്നു.കരുത്തര്‍ ആയ ഹോളണ്ടിനെതിരെ ആണ് ഫ്രാന്‍സ് കളിയ്ക്കാന്‍ പോകുന്നത്.
