“ഏറ്റവും ബുദ്ധിമാനായ കളിക്കാരിൽ ഒരാൾ” – പെപ് ഗ്വാർഡിയോളയെ ഞെട്ടിച്ച ബാഴ്സലോണ മിഡ്ഫീല്‍ഡര്‍
ജർമ്മൻ മാസികയായ സ്റ്റേണിന് അടുത്തിടെ നൽകിയ അഭിമുഖത്തിൽ തന്റെ പഴയ ശിഷ്യന്‍ ആയ ഗുണ്ടോഗനെ കുറിച്ച് വലിയ രീതിയില്‍ ഉള്ള പ്രശംസ നല്കിയിരിക്കുകയാണ് സിറ്റി മാനേജര്‍ പെപ്പ് ഗാര്‍ഡിയോള.സിറ്റിയിലേക്ക് വന്നതിനുസ് ശേഷം അദ്ദേഹം ആദ്യമായി സൈന്‍ ചെയ്ത താരം ആണ് ഗുണ്ടോഗന്‍.”താൻ ഇതുവരെ പരിശീലിപ്പിച്ചിട്ടുള്ളതിൽ വച്ച് ഏറ്റവും ബുദ്ധിമാനായ കളിക്കാരിൽ ഒരാൾ” എന്നാണ് പെപ്പ് ജര്‍മന്‍ താരത്തെ കുറിച്ച് പറഞ്ഞത്.
“ഫൂട്ബോളില്‍ ചില താരങ്ങള്‍ക്ക് വളരെ വേഗത ഉണ്ടാകും.അവര്‍ക്ക് കരിയറില്‍ പെട്ടെന്നു തന്നെ പലതും നേടാന്‍ കഴിഞ്ഞു എന്നും വരും.എന്നാല്‍ ഫൂട്ബോള്‍ എന്ന ഗെയിമിനെ തന്നെ ആകപ്പാടെ മാറ്റി മറിച്ച് ചിന്തിക്കാന്‍ കെല്‍പ്പുള്ള താരങ്ങള്‍ ഇപ്പോള്‍ ഉണ്ട്.ഏത് സമയത്ത് എന്തു ചെയ്യണം എന്നു വ്യക്തമായ ഐഡിയ ഉള്ളവര്‍.ഗുണ്ടോ അങ്ങനത്തെ ഒരാള്‍ ആണ്.തീരെ സ്പേസ് ഇല്ലെങ്കില്‍ കളി നിയന്ത്രിക്കുക എന്നത് മാത്രം അല്ല ഗോള്‍ സ്കോര്‍ ചെയ്യാനും താരത്തിനു അപാര കഴിവ് ആണ് ഉള്ളത്.അദ്ദേഹത്തിനോട് ഒരു വട്ടം പറഞ്ഞാല്‍ തന്നെ അതിന്റെ പൂര്‍ണ പൊരുള്‍ മനസിലാക്കി എടുക്കും.ഇതെല്ലാം കൂടാതെ സഹ താരങ്ങളെ നിയന്ത്രിക്കാനും അദ്ദേഹത്തിന് കഴിയും.” – ഇതാണ് പെപ്പ് ജര്‍മന്‍ മാസികയ്ക്ക് നല്‍കിയ അഭിമുഖത്തിന്റെ പൂര്‍ണ ഭാഗം.
