ഡീഗോ മൗറീഷ്യോയുടെ ഇരട്ട ഗോളില്‍ പഞ്ചാബിനെ കീഴ്പ്പെടുത്തി ഒഡീഷ എഫ്സി
ഇന്ത്യൻ സൂപ്പർ ലീഗിൽ (ഐഎസ്എൽ) 2023-24 ചൊവ്വാഴ്ച ഭുവനേശ്വറിലെ കലിംഗ സ്റ്റേഡിയത്തിൽ പഞ്ചാബ് എഫ്‌സിയെ 3-1ന് തോൽപ്പിച്ച് ഒഡീഷ എഫ്സി.ജയത്തോടെ കലിംഗ വാരിയേഴ്‌സ് മോഹൻ ബഗാൻ സൂപ്പർ ജയൻ്റിനെ പിന്തള്ളി പട്ടികയിൽ രണ്ടാം സ്ഥാനത്തെത്തി, ഇരു ടീമുകളും ഇപ്പോൾ 39 പോയിൻ്റുമായി പോയിന്‍റ് പട്ടികയില്‍ തുടരുന്നു.
സെർജിയോ ലൊബേര പരിശീലിപ്പിക്കുന്ന ടീം ഇപ്പോൾ ലീഗിലെ മുൻനിരയിലുള്ള മുംബൈ സിറ്റി എഫ്‌സിയെക്കാൾ (44) അഞ്ച് പോയിൻ്റ് പിന്നിലാണ്, ഏപ്രിൽ 8 ന് മുംബൈയിൽ ഇരു ടീമുകളും ഏറ്റുമുട്ടുമ്പോൾ ആ വിടവ് നികത്താൻ ഒഡീഷയ്ക്ക് അവസരം ലഭിച്ചേക്കും.ഒഡീഷ എഫ്‌സിയുടെ ജയം മൂലം കേരള ബ്ലാസ്റ്റേഴ്‌സ് എഫ്സി കാമ്പെയ്‌നിലെ പ്ലേ ഓഫിലേക്ക് യോഗ്യത നേടുന്ന അഞ്ചാമത്തെ ടീമായി മാറി.ഒഡീഷയ്ക്ക് വേണ്ടി ഡീഗോ മൗറീഷ്യോ , ഇസക്ക് വൻലാൽറുത്ഫെല എന്നിവര്‍ ഗോളുകള്‍ നേടിയപ്പോള്‍ പഞ്ചാബ് നിരയില്‍ അല്പം എങ്കിലും ചെറുത്തു നില്‍പ്പ് കാഴ്ചവെച്ചത് മദിഹ് തലാൽ ആണ്.അദ്ദേഹം 38 ആം മിനുട്ടില്‍ നേടിയ ഗോള്‍ മാത്രമാണു ഇന്നലത്തെ മല്‍സരത്തില്‍ പഞ്ചാബിന്‍റെ നേട്ടം.
