ഇന്ത്യക്ക് എതിരായ ശേഷിക്കുന്ന മൂന്നു ടെസ്ട് മല്‍സരങ്ങളില്‍ ജാക്ക് ലീച്ച് കളിക്കില്ല
സ്പിന്നർ ജാക്ക് ലീച്ചിന് ഇന്ത്യക്കെതിരായ ശേഷിക്കുന്ന മൂന്ന് ടെസ്റ്റുകളിൽ കളിയ്ക്കാന്‍ കഴിയില്ല.ആദ്യ മല്‍സരത്തില്‍ ഇന്ത്യയ്‌ക്കെതിരായ ഇംഗ്ലണ്ടിൻ്റെ വിജയത്തിൽ നിർണായക പങ്ക് വഹിച്ച ലീച്ചിന് പരുക്ക് കാരണം രണ്ടാം മത്സരം നഷ്ടമായി.രണ്ടാം ടെസ്റ്റിൽ, അദ്ദേഹത്തിന് പകരം അരങ്ങേറ്റക്കാരൻ ഷൊയ്ബ് ബഷീറിനെ ഉൾപ്പെടുത്തി,എന്നാല്‍ അദ്ദേഹത്തിന് ഇന്ത്യന്‍ ബാറ്റിങ്ങിന് മുന്നില്‍ കാര്യമായൊന്നും ചെയ്യാന്‍ കഴിഞ്ഞില്ല.
ലീച്ച് പുറത്തായതോടെ, ഇന്ത്യയ്‌ക്കെതിരായ ശേഷിക്കുന്ന മൂന്ന് ടെസ്റ്റുകളിൽ സ്പിൻ ബൗളിംഗ് ഡ്യൂട്ടിക്കായി ഇംഗ്ലണ്ടിന് റെഹാൻ അഹമ്മദ്, ടോം ഹാർട്ട്‌ലി, ഷൊയ്ബ് ബഷീർ എന്നിവരുടെ ത്രയത്തെ ആശ്രയിക്കേണ്ടിവരും.രാജ്‌കോട്ടിൽ വ്യാഴാഴ്ച ആരംഭിക്കുന്ന മൂന്നാം ടെസ്റ്റിന് മുന്നോടിയായി അവിടെ നിന്ന് അബുദാബിയിലേക്കും പിന്നീട് അവിടെ നിന്ന് അടുത്ത 24 മണിക്കൂറിനുള്ളിൽ അദ്ദേഹം നാട്ടിലേക്കും പറക്കും.മാച്ച് ഫിറ്റ്നസ് വീണ്ടെടുക്കാന്‍ താരം ഇംഗ്ലണ്ട്, സോമർസെറ്റ് മെഡിക്കൽ ടീമുകളുമായി ചേർന്ന് പ്രവർത്തിക്കും.ഈ പരമ്പരക്ക് ഇംഗ്ലണ്ട് പകരക്കാരനെ വിളിക്കില്ല.
