രാജാവിന്‍റെ തിരിച്ചുവരവ് ആഘോഷിച്ച് ചിലിയന്‍ ക്ലബ് കോളോ കോളോ

ചിലി ഇതിഹാസം തൻ്റെ ബാല്യകാല ക്ലബിലേക്ക് തിരിച്ചുവന്നിരുന്നു.അദ്ദേഹം തന്റെ തിരിച്ചുവരവ് ആഘോഷിച്ചത് സോഷ്യല്‍ മീഡിയയില്‍ പലരുടേയും ആശ്ചര്യത്തിന് കാരണം ആയിരിക്കുകയാണ്.ചിലിയിലെ കൊളോ-കൊളോയിൽ അദ്ദേഹം ഇന്ന് തിരിച്ചെത്തി.ചിലിയുടെ ചരിത്രത്തിലെ ഏറ്റവും മികച്ച കളിക്കാരിലൊരാളാണ് വിദാൽ, ഫോർവേഡ് അലക്സിസ് സാഞ്ചസ്, ഡിഫൻസീവ് മിഡ്ഫീൽഡർ ഗാരി മെഡൽ, ഗോൾകീപ്പർ ക്ലോഡിയോ ബ്രാവോ എന്നിവർക്കൊപ്പം 2010-കളിലെ അവരുടെ സുവർണ്ണ കാലഘട്ടത്തിൽ താരം ചിലിയന്‍ ജേഴ്സി അണിഞ്ഞിരുന്നു.

 

കോളോ കോളോയുടെ എസ്റ്റാഡിയോ സ്മാരകമായ ഡേവിഡ് അരെല്ലാനോയിൽ ഹെലികോപ്റ്ററിൽ എത്തിയ വിദാൽ മൈതാനത്തിൻ്റെ മധ്യഭാഗത്ത് ഇറങ്ങി. ജനക്കൂട്ടത്തിനുനേരെ കൈ വീശിയ ശേഷം അദ്ദേഹം ഒരു കുതിരപ്പുറത്ത് കയറുകയും 50,000-ലധികം ആരാധകരെ ഉൾക്കൊള്ളാൻ കഴിയുന്ന സ്റ്റേഡിയത്തിന് ചുറ്റും കുതിരയില്‍ കയറി ജനങ്ങള്‍ക്ക് അഭിവാദ്യം അര്‍പ്പിക്കുകയും ചെയ്തു.36-കാരൻ കിരീടം ധരിച്ച് ഒരു വലിയ വാളുമായിമധ്യകാല രാജാക്കന്മാരെ പോലെ ആണ് വേഷം ധരിച്ചിരുന്നത്. യുവന്‍റസ്, ബാഴ്സലോണ, ബയേണ്‍ മ്യൂണിക്ക്  എന്നീ ക്ലബുകള്‍ക്ക് വേണ്ടി കളിച്ച വിദാല്‍ തന്‍റെ വേതനം ചുരുക്കിയാണ് കൊളോ-കൊളോയിലേക്ക് മടങ്ങി വന്നിരിക്കുന്നത്.