ബുണ്ടസ്ലിഗയില്‍ ഒന്നാം സ്ഥാനം നിലനിര്‍ത്താന്‍ ബയേര്‍ ലെവര്‍കുസന്‍
ബുണ്ടസ്ലിഗയില്‍ ഇന്ന് മിഡ് ടേബിള്‍ ടീമുകള്‍ ആയ ബൊറൂസിയ മോൺചെൻഗ്ലാഡ്ബാക്കും ഫ്രീബർഗൂം പരസ്പരം ഏറ്റുമുട്ടും.ഇരു ടീമുകളും ഭേദപ്പെട്ട പ്രകടനം കാഴ്ചവെക്കുന്നുണ്ട് എങ്കിലും സ്ഥിരത കണ്ടെത്താന്‍ ആകുന്നില്ല എന്നത് ഇവരെ ഏറെ അലട്ടുന്നു.കഴിഞ്ഞ വാരാന്ത്യത്തിൽ ഹൈഡൻഹെയിമിനെതിരെ 2-1 എന്ന നിർണായക വിജയാം നേടാന്‍ മോൺചെൻഗ്ലാഡ്ബാക്കിന് കഴിഞ്ഞു. ഈ വിജയവഴി തുടരാനുള്ള ലക്ഷ്യത്തില്‍ ആണവര്‍.
മറ്റൊരു മല്‍സരത്തില്‍ ബുണ്ടസ്ലിഗയിലെ അജയ്യര്‍ ആയ ബയേര്‍ ലെവര്‍കുസന്‍ മറ്റൊരു മുന്‍നിര ടീം ആയ ഹോഫന്‍ഹെയിമിനെ നേരിടും.ബയേണിനെക്കായിലും രണ്ടു പോയിന്‍റ് ലീഡുള്ള ലെവര്‍കുസന്‍ തങ്ങളുടെ പോയിന്‍റ് നില കൂടുതല്‍ മെച്ചപ്പെടുത്താനുള്ള ഒരുക്കത്തില്‍ ആണ്.ഹോഫന്‍ ഹെയിം സ്റ്റേഡിയമായ റെയിൻ-നെക്കർ അരീനയില്‍ വെച്ച് ഇന്ത്യന്‍ സമയം എട്ട് മണിക്ക് ആണ് പോരാട്ടം ആരംഭിക്കാന്‍ പോകുന്നത്.
