“ബുസ്‌കെറ്റ്‌സ് പോയത് മെസ്സിയുടെ തിരിച്ചു വരവിനുള്ള സാധ്യത വര്‍ധിപ്പിക്കും !!!”
ബാഴ്‌സലോണയിൽ നിന്നുള്ള സെർജിയോ ബുസ്‌ക്വെറ്റ്‌സിന്റെ വിടവാങ്ങല്‍ കറ്റാലൻ വമ്പന്മാർക്ക് ലയണൽ മെസ്സിയെ ക്യാമ്പ് നൂവിലേക്ക് തിരികെ കൊണ്ടുവരാനുള്ള ഒരു “പാതയുടെ തുടക്കം” ആയിരിക്കുമെന്ന് ലാ ലിഗ പ്രസിഡന്റ് ഹാവിയർ ടെബാസ് അവകാശപ്പെട്ടു.മാനേജര്‍ സാവിയുടെയും പ്രസിഡന്റ് ലപോര്‍ട്ട എന്നിവരുടെ നിര്‍ബന്ധത്തിനു വഴങ്ങാതെ ആണ് താരം തന്‍റെ തീരുമാനം പരസ്യമാക്കിയത്.
താരത്തിന്‍റെ പോക്ക് ബാഴ്സയുടെ വേതന ബിലില്‍ വരുത്താന്‍ പോകുന്ന മാറ്റം വളരെ വലുത് ആണ്.പാരീസ് സെന്റ് ജെർമെയ്ൻ ഫോര്‍വേഡ് ആയ മെസ്സിയെ തിരികെ കൊണ്ട് വരാനുള്ള ബാഴ്സയുടെ നീക്കത്തിന് ഇത് വലിയൊരു ആശ്വാസം ആയേക്കും എന്ന് ലാലിഗ പ്രസിഡന്റ് ഇന്ന് മാധ്യമങ്ങള്‍ക്ക് നല്‍കിയ അഭിമുഖത്തില്‍ വെളിപ്പെടുത്തി.മെസ്സിയെ കൊണ്ട് വരാന്‍ ഇനിയും ഏറെ കാര്യങ്ങള്‍ ബാഴ്സ നടത്തണം എന്ന് പറഞ്ഞ തെബാസ് എന്നാല്‍ ഇതുവരെയുള്ള അവരുടെ നീക്കം വളരെ മികച്ച രീതിയില്‍ ആയിരുന്നു എന്നും പറഞ്ഞു.
