ഐൻട്രാക്റ്റ് ഫ്രാങ്ക്ഫർട്ടിനെതിരെ ബൊറൂസിയ ഡോർട്ട്മുണ്ട് അനായാസ ജയം നേടി

 

29-ാം ദിവസം നടന്ന മത്സരത്തിൽ ഐൻട്രാക്റ്റ് ഫ്രാങ്ക്ഫർട്ടിനെ തോൽപ്പിച്ചതിന് ശേഷം ബൊറൂസിയ ഡോർട്ട്മുണ്ട് ശനിയാഴ്ച ബുണ്ടസ്ലിഗയിൽ ലീഡ് നേടി. എതിരില്ലാത്ത നാല് ഗോളുകൾക്കായിരുന്നു വിജയം. ആദ്യ പകുതിയിൽ ആണ് മൂന്ന് ഗോളുകളൂം പിറന്നത്.

ബൊറൂസിയ ഡോർട്ട്മുണ്ട് ജൂഡ് ബെല്ലിംഗ്ഹാമിലൂടെ ആദ്യ ഗോൾ നേടി. അത് പത്തൊൻപതാം മിനിറ്റിൽ ആയിരുന്നു. പിന്നീട് ഡോണേൽ മാലെൻ ഇരുപത്തിനാലാം മിനിറ്റിൽ രണ്ടാം ഗോളും നാൽപ്പത്തിയൊന്നാം മിനിറ്റിൽ മാറ്റ്സ് ഹമ്മൽസ് മൂന്നാം ഗോളും നേടി. ആദ്യ പകുതി 3-0 അവസാനിച്ചതിന് ശേഷം രണ്ടാം പകുതിയിൽ ഡോണേൽ അറുപത്തിയാറാം മിനിറ്റിൽ തൻറെ രണ്ടാം ഗോളും ടീമിനായി നാലാം ഗോളും നേടി.

ഡോർട്ട്മുണ്ട് ക്ലബ് അവരുടെ പോയിന്റ് 60 ആയി ഉയർത്തി, രണ്ടാം സ്ഥാനത്തുള്ള ബയേൺ മ്യൂണിക്കിനെക്കാൾ ഒരു പോയിന്റ് മുന്നിലാണ്. 42 പോയിന്റുമായി ഐൻട്രാക്റ്റ് ഫ്രാങ്ക്ഫർട്ട് ഒമ്പതാം സ്ഥാനത്താണ്.