ഖത്തർ ലോകകപ്പിലെ കറുത്ത കുതിരകളായി മൊറോക്കോ, സ്പെയിനെ ഷൂട്ടൗട്ടിൽ വീഴ്ത്തി ക്വാർട്ടറിൽ
പെനാല്റ്റി ഷൂട്ടൗട്ടില് സ്പെയിനിനെ തകര്ത്ത് മൊറോക്കോ ക്വാര്ട്ടറില്. ഷൂട്ടൗട്ടിലേക്ക് നീണ്ട മത്സരത്തില് ഒരു കിക്ക് പോലും വലയിലെത്തിക്കാനാകാതെയാണ് സ്പെയിന് മടങ്ങുന്നത്. 3-0നായിരുന്നു ഷൂട്ടൗട്ടില് മൊറോക്കോയുടെ ജയം. ഖത്തർ ലോകകപ്പ് സാക്ഷ്യം വഹിച്ച ഏറ്റവും ആവേശകരമായ മത്സരങ്ങളിലൊന്നായിരുന്നു ഇത്.
സ്പെയിനെ അട്ടിമറിച്ച് ആഫ്രിക്കൻ കരുത്തരായ മൊറോക്കോ ക്വാർട്ടർ ഫൈനലിൽ പ്രവേശിച്ചത് ഫുട്ബോൾ പ്രേമികൾക്ക് ശരിക്കും ആനന്ദിക്കാം. നിശ്ചിത സമയത്തും അധിക സമയത്തും ഇരു ടീമുകൾക്കും ലക്ഷ്യം കാണാനാകാതെ പോയ മത്സരത്തിൽ, പെനൽറ്റി ഷൂട്ടൗട്ടിലാണ് മൊറോക്കോ സ്പെയിനെ അട്ടിമറിച്ചത്.
സ്പാനിഷ് താരങ്ങളുടെ ആദ്യ മൂന്ന് കിക്കുകളില് രണ്ട് എണ്ണവും രക്ഷപ്പെടുത്തി യാസ്സിന് ബോനു മൊറോക്കോയുടെ താരമായി. കാര്ലോസ് സോളറിന്റെയും സെര്ജിയോ ബുസ്ക്വെറ്റ്സിന്റെയും കിക്കുകളാണ് ബോനു തടുത്തിട്ടത്. പാബ്ലോ സരാബിയ എടുത്ത കിക്ക് പോസ്റ്റില് തട്ടി മടങ്ങി.
ലോകകപ്പ് ചരിത്രത്തിൽ ആദ്യമായാണ് മൊറോക്കോ ക്വാർട്ടറിൽ കടക്കുന്നത്. അതേസമയം, ലോകകപ്പിൽ ഏറ്റവും കൂടുതൽ തവണ ഷൂട്ടൗട്ടിൽ തോൽക്കുന്ന ടീമെന്ന നാണക്കേട് സ്പെയിനിന്റെ പേരിലായി. നാലാം തവണയാണ് സ്പെയിൻ ലോകകപ്പിൽ ഷൂട്ടൗട്ടിൽ തോൽക്കുന്നത്.