മെക്സിക്കോയ്ക്കെതിരെ അഞ്ച് മാറ്റങ്ങളുമായി അർജന്റീന
മെക്സിക്കോയ്ക്കെതിരെ ഇന്നു ലുസെയ്ൽ സ്റ്റേഡിയത്തിൽ ലോകകപ്പിലെ നിർണായക മത്സരത്തിനിറങ്ങുന്ന അർജന്റീനിയൻ ടീമിൽ അഞ്ച് മാറ്റങ്ങൾ. ക്രിസ്റ്റിയന് റൊമേറോയ്ക്ക് പകരം ലിസാന്ഡ്രോ മാര്ട്ടിനെസ്, നിക്കോളാസ് ടാഗ്ലിഫിക്കോയ്ക്ക് പകരം മാര്ക്കോസ് അക്യുന, നഹ്വെല് മൊളിനയ്ക്ക് പകരം ഗോണ്സാലോ മൊണ്ടിയെല്, ലിയാന്ഡ്രോ പരെഡെസിന് പകരം ഗൈഡോ റോഡ്രിഗസ്, പപ്പു ഗോമസിന് പകരം അലെക്സിസ് മാക് അല്ലിസ്റ്റര് എന്നിവര് ആദ്യ ഇലവനിലെത്തി.
ഗ്രൂപ്പ് സി-യിലെ ഇനിയുള്ള രണ്ടു മത്സരങ്ങളിലും അര്ജന്റീനയ്ക്ക് ജയിക്കേണ്ടതുണ്ട്. ആദ്യമത്സരത്തില് സൗദിയില്നിന്നേറ്റ തോല്വി ടീമിന് അത്ര പ്രതിസന്ധിയാണ് സൃഷ്ടിച്ചത്. മെക്സിക്കോക്ക് പുറമേ പോളണ്ടുമായാണ് ടീമിന് മത്സരമുള്ളത്. മെക്സിക്കോക്കെതിരേ ജയിച്ചാല് ടീമിന്റെ നോക്കൗട്ട് സാധ്യത നിലനില്ക്കും. തോല്വിയോ സമനിലയോ ആണെങ്കില് ഗ്രൂപ്പിലെ മറ്റ് ടീമുകളുടെ പ്രകടനത്തിന്റെ അടിസ്ഥാനത്തിലാകും സാധ്യതകള്.
സി ഗ്രൂപ്പിൽ 3 പോയിന്റുമായി സൗദിയാണ് ഇപ്പോൾ ഒന്നാമത്. ഒരു പോയിന്റ് വീതമുള്ള പോളണ്ടും മെക്സിക്കോയും പിന്നിൽ. അർജന്റീന അവസാന സ്ഥാനത്ത്. ഗ്രൂപ്പിലെ മറ്റൊരു മത്സരത്തിൽ പോളണ്ട് സൗദി അറേബ്യയെ നേരിടും. ഇന്ത്യൻ സമയം വൈകിട്ട് 6.30ന് അൽ റയ്യാനിലെ എജ്യുക്കേഷൻ സിറ്റി സ്റ്റേഡിയത്തിലാണ് മത്സരം.