ഡെമ്പെലെയുടെ കരാർ പുതുക്കാനുള്ള നീക്കവുമായി ബാർസ.!

യുവേഫ ചാമ്പ്യൻസ് ലീഗിൽ നിന്നും പുറത്തായെങ്കിലും ലാലിഗയിൽ തകർപ്പൻ പ്രകടനമാണ് ബാർസലോണ പുറത്തെടുത്തുകൊണ്ടിരിക്കുന്നത്. നിലവിൽ ടേബിളിൽ ഒന്നാം സ്ഥാനത്ത് തന്നെയുണ്ട് ബാർസ. ടീമിൻ്റെ ഈയൊരു കുതിപ്പിന് പിന്നിൽ നിർണായക പങ്ക് വഹിക്കുന്ന താരമാണ് ഒസ്മാൻ ഡെമ്പെലെ. മിന്നും ഫോമിലാണ് താരം നിലവിൽ കളിച്ചുകൊണ്ടിരിക്കുന്നത്. അതുകൊണ്ടുതന്നെ താരത്തിൻ്റെ കരാർ പുതുക്കാനുള്ള പ്ലാനിലാണ് നിലവിൽ ബാർസയുള്ളത്. 2024 സമ്മർ വരെ നിലവിൽ താരത്തിന് കരാർ ഉണ്ടെങ്കിൽ പോലും ഒരു ദീർഘകാല കരാർ നൽകികൊണ്ട് ഡെമ്പെലെയെ ക്ലബിൽ നിലനിർത്താനാണ് ടീമിൻ്റെ ശ്രമം. ഇതിനെപ്പറ്റി ബാർസ പ്രസിഡൻ്റ് ആയ ജൊവാൻ ലാപോർട്ട പ്രതികരിച്ചിരുന്നു. നമുക്ക് അദ്ദേഹത്തിൻ്റെ വാക്കുകളിലേക്ക് ഒന്നുപോകാം;
“ഒസ്മാൻ നിലവിൽ ബാർസയിൽ സന്തോഷവാനാണ്, കരാർ പുതുക്കുന്നതിനെ പറ്റി സംസാരിക്കാൻ നമുക്ക് മുന്നിൽ സമയമുണ്ട്”. ഇതാണ് നിലവിൽ ലാപോർട്ട പറഞ്ഞിട്ടുള്ളത്. എന്തായാലും താരം ബാർസയുമായി പുതിയ കരാർ ഒപ്പിടുമോ എന്ന് നമുക്ക് കാത്തിരുന്നു കാണാം.