ഓസ്‌ട്രേലിയക്കെതിരായ ടെസ്റ്റ് പരമ്പരയ്ക്കുള്ള 16 അംഗ ടീമിനെ പ്രഖ്യാപിച്ച് ദക്ഷിണാഫ്രിക്ക
ഓസ്‌ട്രേലിയയിൽ നടക്കാനിരിക്കുന്ന മൂന്ന് മത്സരങ്ങളുടെ ടെസ്റ്റ് പരമ്പരയ്ക്കുള്ള 16 അംഗ ടീമിനെ ദക്ഷിണാഫ്രിക്ക പ്രഖ്യാപിച്ചു. ഡീൻ എൽഗർ ടീമിന്റെ ക്യാപ്റ്റനായി തുടരും. ഇംഗ്ലണ്ടിലേക്കുള്ള ടെസ്റ്റ് പര്യടനത്തിനായി ഭൂരിഭാഗം മുൻനിര താരങ്ങളെയും പ്രോട്ടീസ് നിലനിർത്തിയിട്ടുണ്ടെന്നതാണ് ശ്രദ്ധേയമായ കാര്യം.
എന്നിരുന്നാലും എയ്ഡൻ മാർക്രത്തിനെയും ഹാംസ്ട്രിംഗിന് ഗുരുതരമായി പരിക്കേറ്റ കീഗൻ പീറ്റേഴ്സന്റെ സേവനവും ദക്ഷിണാഫ്രിക്കയ്ക്ക് നഷ്ടമാകും. അതേസമയം തെയൂനിസ് ഡി ബ്രൂയിൻ ടീമിലേക്ക് തിരിച്ചുവിളിച്ചിട്ടുണ്ട്. ഇതുവരെ 13 ഫസ്റ്റ് ക്ലാസ് മത്സരങ്ങളിൽ നിന്ന് 28.82 ശരാശരിയിൽ 40 വിക്കറ്റുകൾ സ്വന്തമാക്കിയ 22-കാരൻ ജെറാൾഡ് കോറ്റ്‌സിക്കാണ് ടീമിലെ പുതുമുഖം.
ഓസ്‌ട്രേലിയൻ പര്യടനത്തിനുള്ള ദക്ഷിണാഫ്രിക്കൻ ടെസ്റ്റ് ടീം
ഡീൻ എൽഗർ (ക്യാപ്റ്റൻ), ടെംബ ബാവുമ, ജെറാൾഡ് കോറ്റ്‌സി, തെയൂനിസ് ഡി ബ്രൂയിൻ, സാരെൽ എർവീ, സൈമൺ ഹാർമർ, മാർക്കോ ജാൻസെൻ, ഹെൻറിച്ച് ക്ലാസൻ, കേശവ് മഹാരാജ്, ലുങ്കി എൻഗിഡി, ആൻറിച്ച് നോർട്ട്‌ജെ, കാഗിസോ റബാഡ, ഗ്ലെന്റൺ സ്റ്റുർമാൻ, റാസി വാൻ ഡെർ ഡസ്സെൻ, കെയ്ൽ വെറെയ്നെ, ഖയാ സോണ്ടോ
