ഇംഗ്ലണ്ടിനെതിരായ ഏകദിന പരമ്പരയ്ക്കായുള്ള ടീമിനെ പ്രഖ്യാപിച്ച് ഓസ്ട്രേലിയ
ഇംഗ്ലണ്ടിനെതിരായ വരാനിരിക്കുന്ന ഉഭയകക്ഷി പരമ്പരയ്ക്കായുള്ള ടീമിനെ പ്രഖ്യാപിച്ച് ക്രിക്കറ്റ് ഓസ്ട്രേലിയ. ഈ പരമ്പരയ്ക്കു ശേഷം രണ്ട് മത്സരങ്ങളുടെ ടെസ്റ്റ് പരമ്പരയ്ക്കായി വെസ്റ്റ് ഇൻഡീസ് ഓസ്ട്രേലിയ പര്യടനം നടത്തും. ആരോൺ ഫിഞ്ച് ഏകദിനത്തിൽ നിന്ന് വിരമിക്കൽ പ്രഖ്യാപിച്ചതിനു ശേഷം ആദ്യമായി നടക്കുന്ന ഏകദിന പരമ്പരയാണിത്.
പാറ്റ് കമ്മിൻസിന്റെ ഏകദിന നായകനായുള്ള അരങ്ങേറ്റം കുറിക്കുന്ന പരമ്പര കൂടിയാവുമിത്. തന്റെ ആദ്യ കുഞ്ഞിന്റെ ജനനത്തെത്തുടർന്ന് സിംബാബ്‌വെ, ന്യൂസിലൻഡ് പരമ്പരകൾ നഷ്‌ടമായ ട്രാവിസ് ഹെഡ് ഉൾപ്പടെ മിച്ചൽ സ്റ്റാർക്ക്, പാറ്റ് കമ്മിൻസ്, ജോഷ് ഹേസിൽവുഡ് എന്നീ പ്രമുഖ താരങ്ങളെയെല്ലാം രണ്ട് പരമ്പരകൾക്കുമായുള്ള ടീമിലേക്ക് തെരഞ്ഞെടുത്തിട്ടുണ്ട്.
നവംബർ 22 ന് ഇംഗ്ലണ്ടിനെതിരായ ഏകദിന പരമ്പര അവസാനിച്ചതിന് ശേഷം നവംബർ 30 ന് ആരംഭിക്കുന്ന ആദ്യ ടെസ്റ്റിൽ വെസ്റ്റ് ഇൻഡീസ് കളിക്കാൻ ഓസ്ട്രേലിയ പെർത്തിലേക്ക് പോകും. ഡിസംബർ എട്ടിന് ആരംഭിക്കുന്ന രണ്ട് ടെസ്റ്റുകളുടെ രണ്ടാമത്തെയും അവസാനത്തെയും ടെസ്റ്റിന് അഡ്‌ലെയ്ഡ് ആതിഥേയത്വം വഹിക്കും.
ഇംഗ്ലണ്ട് ഏകദിന പരമ്പരയ്ക്കുള്ള ഓസ്ട്രേലിയൻ ടീം: പാറ്റ് കമ്മിൻസ്, ആഷ്ടൺ അഗർ, അലക്സ് കാരി, കാമറൂൺ ഗ്രീൻ, ജോഷ് ഹാസിൽവുഡ്, ട്രാവിസ് ഹെഡ്, മാർനസ് ലാബുഷാഗ്നെ, മിച്ചൽ മാർഷ്, ഗ്ലെൻ മാക്‌സ്‌വെൽ, സ്റ്റീവ് സ്മിത്ത്, മിച്ചൽ സ്റ്റാർക്ക്, മാർക്കസ് സ്റ്റോയിനിസ്, ഡേവിഡ്. വാർണർ, ആദം സാമ്പ
വെസ്റ്റ് ഇൻഡീസ് ടെസ്റ്റ് പരമ്പരയ്ക്കുള്ള ഓസ്ട്രേലിയൻ ടീം: പാറ്റ് കമ്മിൻസ്, സ്കോട്ട് ബോളണ്ട്, അലക്സ് കാരി, കാമറൂൺ ഗ്രീൻ, മാർക്കസ് ഹാരിസ്, ജോഷ് ഹേസൽവുഡ്, ട്രാവിസ് ഹെഡ്, ഉസ്മാൻ ഖവാജ, മാർനസ് ലാബുഷാഗ്നെ, നഥാൻ ലിയോൺ, സ്റ്റീവ് സ്മിത്ത്, മിച്ചൽ സ്റ്റാർക്ക് , ഡേവിഡ് വാർണർ
