ജനുവരിയിൽ മാർക്വിനോസിനെ ലോണില് വിടാന് ആഴ്സണൽ
ജനുവരി ട്രാൻസ്ഫർ വിൻഡോയിൽ ലോണിൽ ക്ലബ് വിടാൻ മാർക്വിനോസിനെ അനുവദിക്കാൻ ആഴ്സണൽ മാനേജർ മൈക്കൽ അർട്ടെറ്റ തയ്യാറെടുക്കുന്നതായി റിപ്പോർട്ട്.വേനൽക്കാലത്ത് 3 മില്യൺ യൂറോ ഫീസില് സാവോ പോളോയിൽ നിന്ന് എത്തിയതിനുശേഷം 19-കാരൻ പെട്ടെന്ന് തന്നെ മതിപ്പ് സൃഷ്ടിച്ചു, കൂടാതെ ഫസ്റ്റ്-ടീമിലേക്ക് ചുരുങ്ങിയ സമയം കൊണ്ട് സ്ഥാനക്കയറ്റവും ലഭിച്ചു.
അണ്ടർ 21 ന് വേണ്ടിയുള്ള മൂന്ന് മത്സരങ്ങളിൽ നിന്ന് മൂന്ന് ഗോളുകൾ നേടിയ ശേഷം, പരിശീലനത്തിനായി മാർക്വീഞ്ഞോസ് ആദ്യ ടീമിനൊപ്പം ചേർന്നു, ഗണ്ണേഴ്സിന്റെ അവസാന മൂന്ന് പ്രീമിയർ ലീഗ് മത്സരങ്ങളിൽ ബെഞ്ചില് താരം ഇടം നേടി.എന്നാല് താരത്തിനെ ബെഞ്ചില് ഇരുത്തി പാഴാക്കാന് ആര്റെറ്റ താല്പര്യപ്പെടുന്നില്ല , പതിവ് ഗെയിം സമയം ലഭിക്കുന്നതിനായി മറ്റു ക്ലബുകളിലെക്ക് അദ്ദേഹത്തിനെ ലോണിൽ വിടാൻ അദ്ദേഹം ആഗ്രഹിക്കുന്നു.ജനുവരിയിൽ ആഴ്സണലിന് ഒരു പുതിയ വിംഗറെ സൈന് ചെയ്യാന് കഴിഞ്ഞാല് മാത്രമേ മാർക്വിനോസിനെ ലോണിൽ വിടാൻ അനുവദിക്കൂ എന്ന് റിപ്പോർട്ടുണ്ട്.ബയേൺ മ്യൂണിക്കിന്റെ ലെറോയ് സാനെ ,ബയർ ലെവർകുസന്റെ മൗസ ഡയബി എന്നിവരുമായി ഒരു കരാറില് ഏര്പ്പെടുന്നതിന് ആഴ്സണല് നിലവില് നീക്കങ്ങള് നടത്തുന്നുണ്ട്.