ടോട്ടൻഹാം ഹോട്സ്പറിന്റെ ഡാവിൻസൺ സാഞ്ചസിലേക്ക് ശ്രദ്ധ തിരിച്ച് എസി മിലാന്
ടോട്ടൻഹാം ഹോട്സ്പറിന്റെ സെന്റർ ബാക്ക് ഡേവിൻസൺ സാഞ്ചസിനെ സൈൻ ചെയ്യാൻ എസി മിലാൻ താൽപര്യം പ്രകടിപ്പിച്ചതായി റിപ്പോർട്ട്.കഴിഞ്ഞ മാസം, സീരി എ ചാമ്പ്യൻമാർ ജാഫെറ്റ് തങ്കംഗയ്ക്ക് വേണ്ടിയുള്ള വായ്പാ നീക്കത്തെക്കുറിച്ച് സ്പർസുമായി ചർച്ച നടത്തിയിരുന്നു. എന്നിരുന്നാലും, രണ്ട് ക്ലബ്ബുകളും ഒരു കരാറിലെത്തുന്നതിൽ പരാജയപ്പെട്ടതിനാൽ ജാഫെറ്റ് തങ്കംഗയ്ക്ക് സാൻ സിറോയിലേക്ക് മാറാന് കഴിഞ്ഞേക്കില്ല.
കഴിഞ്ഞ രണ്ട് സീസണുകളിലും ക്ലബ്ബിന്റെ റഡാറിൽ ഉണ്ടായിരുന്ന 26 കാരനായ ഡേവിൻസൺ സാഞ്ചസിനെ സൈന് ചെയ്യാനുള്ള നീക്കം വളരെ ഗൗരവമായി എസി മിലാന് പരിഗണിക്കുന്നുണ്ട്.അടുത്ത വേനൽക്കാലത്ത് ഡിഫൻഡറെ സ്ഥിരമായി വാങ്ങാനുള്ള ഓപ്ഷനുമായി സാഞ്ചസിനായുള്ള ഒരു വായ്പാ ഡീല് ആണ് എസി മിലാന് ഓഫര് ചെയ്യാന് പോകുന്നത്.2017 വേനൽക്കാലത്ത് 42 മില്യൺ പൗണ്ടിന് അയാക്സിൽ നിന്ന് ചേർന്നതിന് ശേഷം, സാഞ്ചസ് ടോട്ടൻഹാമിന് വേണ്ടി മൊത്തം 180 മത്സരങ്ങളിൽ അഞ്ച് തവണ സ്കോർ ചെയ്യുകയും ഒരു അസിസ്റ്റ് നൽകുകയും ചെയ്തിട്ടുണ്ട്.കഴിഞ്ഞ വർഷം നവംബറിൽ കൊണ്ടേ മുഖ്യ പരിശീലകനായി എത്തിയതിനുശേഷം അദ്ദേഹത്തിന് വേണ്ട രീതിയില് ഉള്ള പരിഗണന ടീമില് നിന്ന് ലഭിക്കുന്നില്ല.അതിനാല് എസി മിലാനില് പോവുക എന്നത് തന്നെ ആണ് താരത്തിനു താല്പര്യവും.