ലിവർപൂളിനു വേണ്ടി ഡാർവിൻ നുനെസ് നാല് ഗോളുകൾ നേടി ; ആര്‍ബി ലെപ്സിഗിനെ എതിരില്ലാത്ത അഞ്ചു ഗോളിന് തോല്‍പ്പിച്ച് ലിവര്‍പൂള്‍
വ്യാഴാഴ്ച ആർബി ലെപ്‌സിഗിനെതിരെ എതിരില്ലാത്ത അഞ്ചു ഗോളിന് വിജയം നേടിയ ലിവര്‍പൂളിന് വേണ്ടി പുതിയ സൈനിംഗ് ആയ ഡാര്‍വിന്‍ നൂനസ് നാല് ഗോളുകള്‍ നേടി.ഹാഫ് ടൈമിൽ റോബർട്ടോ ഫിർമിനോയ്‌ക്കായി ഇറങ്ങിയ ന്യൂനസ്, പെനാൽറ്റി അടക്കം മൂന്ന് ഗോളുകൾ കൂടി രണ്ടാം പകുതിയില്‍ കൂട്ടിച്ചേര്‍ത്തു.റെഡ്സിന് വേണ്ടി ഇതിലും നല്ല ഒരു തുടക്കം നൂനസിനു സ്വപ്നം കാണാന്‍ പോലും കഴിയില്ല.മാഞ്ചസ്റ്റർ യുണൈറ്റഡ്, ആഴ്സണൽ എന്നിവരിൽ നിന്നുള്ള വെല്ലുവിളികള്‍ മറികടന്നാണ് ലിവര്‍പൂള്‍ താരത്തെ സ്വന്തമാക്കിയത്.
കളി തുടങ്ങി എട്ട് മിനിട്ടിനുളില്‍ മുഹമ്മദ് സലാഹ് സ്കോർ ചെയ്ത് ലിവര്‍പൂളിനു ലീഡ് നേടി കൊടുത്തു.കമ്മ്യൂണിറ്റി ഷീൽഡിൽ ജൂലൈ 30 ന് മാഞ്ചസ്റ്റർ സിറ്റിക്കെതിരെയാണ് റെഡ്സിന്റെ ഈ സീസണിലെ ആദ്യ മത്സര മത്സരം, അവർക്ക് എഫ്‌സി സാൽസ്‌ബർഗിനും സ്ട്രാസ്‌ബർഗിനുമെതിരെ പ്രീസീസൺ ഗെയിമുകൾ അവശേഷിക്കുന്നു.
