നാഷൻസ് ലീഗിലെ ആദ്യ തോൽവി നേരിട്ട് പോർച്ചുഗൽ
സ്ട്രൈക്കർ ഹാരിസ് സെഫെറോവിച്ചിന്റെ ആദ്യ മിനിറ്റിലെ ഗോളിൽ സ്വിറ്റ്സർലൻഡ് പോർച്ചുഗലിനെതിരെ 1-0 ന് ജയിച്ചു, ഈ വർഷത്തെ നേഷൻസ് ലീഗിൽ അവരുടെ ആദ്യ വിജയം ആണിത്.18-ാം മിനിറ്റിൽ ഫോർവേഡ് റാഫേൽ ലിയോ സമനില ഗോൾ നേടി എന്ന് കരുതി എങ്കിലും ഓഫ്സൈഡ് ആയി അദ്ദേഹത്തിന്റെ ശ്രമം നിരസിക്കപ്പെട്ടു.
ഹാഫ്ടൈമിന് ശേഷം പോർച്ചുഗൽ തങ്ങളുടെ ആക്രമണങ്ങൾക്ക് കൂടുതൽ മൂർച്ച കൂട്ടി.എന്നാൽ 63-ാം മിനിറ്റിൽ ബോക്സിന്റെ അരികിൽ നിന്ന് ബെർണാഡോ സിൽവയുടെ ശക്തമായ സ്ട്രൈക്കും 78-ാം മിനിറ്റിൽ ഡിയോഗോ ജോട്ടയുടെ മികച്ച ഹെഡറും സ്കോർ ഷീറ്റിൽ എത്തിക്കാൻ നിർഭാഗ്യം മൂലം അവർക്ക് കഴിഞ്ഞില്ല.ക്രിസ്റ്റ്യാനോ റൊണാൾഡോ, ജോവോ മൗട്ടീഞ്ഞോ, റാഫേൽ ഗുറേറോ എന്നിവരില്ലാതെയാണ് ഫെർണാണ്ടോ സാന്റോസ് തന്റെ ടീം തിരഞ്ഞെടുത്തത്.