ആരാധകരുടെ അതൃപ്തിക്കിടയില്‍ വിജയം നേടി പിഎസ്ജി
ഞായറാഴ്ച സ്വന്തം തട്ടകത്തിൽ ബോർഡോക്‌സിനെ 3-0ന് തോൽപ്പിച്ചപ്പോൾ പാരീസ് സെന്റ് ജെർമെയ്‌ൻ തങ്ങളുടെ ലീഗ് 1 ലീഡ് 15 പോയിന്റായി വർധിപ്പിച്ചു, പക്ഷേ അവരുടെ ഏറ്റവും പുതിയ ചാമ്പ്യൻസ് ലീഗ് പരാജയം പാർക്ക് ഡെസ് പ്രിൻസസിൽ ഇപ്പോഴും ആളി കത്തുന്നു. സൂപ്പര്‍ താരങ്ങള്‍ ആയ മെസ്സിയും നെയ്മറിനും പിഎസ്ജി ആരാധകര്‍ കൂവലോടെ ആണ് വരവേറ്റത്.ക്ലബ് പ്രസിഡന്റ് നാസർ അൽ ഖെലൈഫിയും സ്‌പോർട്‌സ് ഡയറക്ടർ ലിയനാർഡോയും രാജിവയ്ക്കണമെന്ന് അൾട്രാ ആരാധകർ ആവശ്യപ്പെട്ടു.
കൈലിയൻ എംബാപ്പെ, നെയ്മറും ലിയാൻഡ്രോ പരേഡസും ആണ് പിഎസ്ജിക്ക് വേണ്ടി ഗോള്‍ കണ്ടെത്തിയവര്‍.മാർക്കോ വെറാട്ടി സസ്‌പെൻഷനിലായപ്പോൾ കീലർ നവാസ് പിഎസ്ജിക്ക് വേണ്ടി ഗോൾ വല കാത്തു.റയലിനോട് 3-2ന്റെ തോൽവിയിൽ രണ്ട് ഗോളുകളും നേടിയ എംബാപ്പെക്ക് മാത്രമാണ് ആരാധകർ ആര്‍പ്പു വിളിച്ചത്,പ്രത്യേകിച്ചും 24 മിനിറ്റിന് ശേഷം സ്കോറിംഗ് തുറന്നപ്പോൾ.
