ലാലിഗയിലേക്ക് ചേക്കേറാന്‍ താല്പര്യവുമായി കവാനി
ഈ വേനൽക്കാലത്ത് കരാർ അവസാനിക്കുമ്പോൾ എഡിൻസൺ കവാനി മാഞ്ചസ്റ്റർ യുണൈറ്റഡ് വിടാൻ ഒരുങ്ങുകയാണ്, സ്‌ട്രൈക്കറുടെ ഏറ്റവും താല്പര്യം ഏറിയ ഓപ്ഷൻ സ്പെയിനിലെ ഒരു ക്ലബ്ബിൽ ചേരുക എന്നതാണ്.35 കാരനായ ഉറുഗ്വേൻ ഇറ്റലി, ഫ്രാൻസ്, ഇംഗ്ലണ്ട് എന്നിവിടങ്ങളിൽ കളിച്ചിട്ടുണ്ട്, കൂടാതെ യൂറോപ്പിലെ മറ്റൊരു പ്രധാന ലീഗ് കൂടി തന്റെ പോര്‍ട്ട്‌ഫോളിയോവില്‍ ചേര്‍ക്കാന്‍ അദ്ദേഹം ഇഷ്ട്ടപ്പെടുന്നു.
2020 ഒക്ടോബറിൽ പാരീസ് സെന്റ് ജെർമെയ്‌നിൽ നിന്ന് യുണൈറ്റഡിൽ ചേർന്ന കവാനി, തന്റെ ആദ്യ സീസണിൽ 17 ഗോളുകൾ നേടിയതിന് ശേഷം കഴിഞ്ഞ മേയിൽ ഒരു വർഷത്തെ കരാർ നീട്ടിയിരുന്നു.ഈ സീസന്‍ 15 മത്സരങ്ങളിൽ രണ്ട് തവണ താരം സ്കോർ ചെയ്തു. ഗ്രോയിന്‍ സ്ട്രെയിൻ കാരണം അദ്ദേഹം ഒരു മാസത്തോളമായി കളിച്ചിട്ടില്ല.മാഞ്ചസ്റ്റർ സിറ്റിയിലേക്ക് ചേക്കേറുന്ന ജൂലിയൻ അൽവാരസിന് പകരക്കാരനെ അർജന്റീനിയൻ ക്ലബിന് ആവശ്യമായി വരുമെന്നതിനാൽ കവാനി റിവർ പ്ലേറ്റിൽ ചേരുമെന്ന് അഭ്യൂഹങ്ങളുണ്ടായിരുന്നു, എന്നാൽ അവിടെയല്ല അദ്ദേഹം തന്റെ ഭാവി കാണുന്നത് എന്ന് മുന്നേ വെളിപ്പെടുത്തിയിരുന്നു.
