മൂന്നാം ടി20യിലും ജയം, ലങ്കയ്ക്കെതിരായ പരമ്പര തൂത്തുവാരി ഓസീസ്
ശ്രീലങ്കയ്ക്കെതിരായ ടി20 പരമ്പര 3-0ന് സ്വന്തമാക്കി ഓസ്ട്രേലിയ. ലങ്ക ഉയർത്തിയ 122 റൺസ് വിജയലക്ഷ്യം നാല് വിക്കറ്റ് നഷ്‌ടത്തിൽ 19 ബോളുകൾ ബാക്കി നിൽക്കെയാണ് ഓസീസ് മറികടന്നത്.
ആദ്യ പന്തിൽ ബെന്‍ മക്ഡര്‍മട്ടിനെ നഷ്ടമായ ഓസ്ട്രേലിയയെ ആരോൺ ഫി‍ഞ്ച്(35), ഗ്ലെന്‍ മാക്സ്വെൽ(39), ജോഷ് ഇംഗ്ലിസ്(21*) എന്നിവര്‍ ചേര്‍ന്നാണ് വിജയത്തിലേക്ക് നയിച്ചത്. ശ്രീലങ്കയ്ക്കായി മഹീഷ് തീക്ഷണ മൂന്ന് വിക്കറ്റുമായി തകർപ്പൻ പ്രകടനം പുറത്തെടുത്തുവെങ്കിലും ലക്ഷ്യം തീരെ ചെറുതായത് ഓസീസിന് കാര്യങ്ങള്‍ എളുപ്പമാക്കുകയായിരുന്നു.
ടോസ് നേടി ബോളിംഗ് തെരഞ്ഞെടുത്ത ഓസീസിന്റെ തീരുമാനം ശരിവെക്കുന്ന പ്രകടനമാണ് ബോളർമാർ കാഴ്ച്ചവെച്ചത്. ലങ്കയ്ക്കായി ബാറ്റിംഗിൽ ദാസുൻ ഷനക (39), ദിനേശ് ചണ്ഡിമൽ (25), പാത്തും നിസാങ്ക (16) എന്നിവർ മാത്രമാണ് രണ്ടക്കം കടന്നത്. ഓസീസിനായി കെയ്ൻ റിച്ചാർഡ്‌സൺ നാലോവറിൽ 21 റൺസ് വഴങ്ങി മൂന്നു വിക്കറ്റി നേടി.
