ജോൺടി റോഡ്‌സിന് ബാറ്റിംഗ് പരിശീലകന്‍റെ അധിക ചുമതല നല്‍കി പഞ്ചാബ് കിംഗ്‌സ്
വസീം ജാഫര്‍ സ്ഥാനമൊഴിഞ്ഞതോടെ ഫീല്‍ഡിംഗ് കോച്ച് ജോൺടി റോഡ്‌സിനെ ബാറ്റിംഗ് പരിശീലകന്‍റെ അധിക ചുമതല നല്‍കി ഐപിഎല്‍ ടീം പഞ്ചാബ് കിങ്‌സ്. ഐ‌പി‌എൽ 2022 മെഗാ ലേലത്തിന് മുന്നോടിയായാണ് ജാഫർ ടീമിൽ നിന്നും ഒഴിയുന്നത്.
എക്കാലത്തെയും മികച്ച ഫീല്‍ഡര്‍മാരിലൊരാള്‍ എന്ന വിശേഷണമുള്ള ജോൺടി റോഡ്‌സ് പഞ്ചാബിന്റെ ഫീല്‍ഡിങ് പരിശീലകൻ കൂടിയാണ്. ദക്ഷിണാഫ്രിക്കയ്‌ക്കായി ജോൺടി റോഡ്‌സ് 245 ഏകദിനങ്ങളിൽ നിന്ന് 5935 റൺസും 52 ടെസ്റ്റിൽ നിന്ന് 2532 റൺസുമാണ് റോഡ്‌സ് നേടിയിട്ടുണ്ട്.
ആദ്യ സീസൺ മുതൽ ടൂർണമെന്റിന്റെ ഭാഗമാണെങ്കിലും ഇതുവരെ ഐപിഎല്‍ കിരീടം നേടാത്ത പഞ്ചാബ് കിങ്സിനെ ഇതിഹാസ സ്‌പിന്നറും ടീം ഇന്ത്യയുടെ മുന്‍ കോച്ചുമായ അനില്‍ കുംബ്ലെയാണ് പരിശീലിപ്പിക്കുന്നത്. അതേസമയം ഡാമിയന്‍ റൈറ്റാണ് ടീമിന്റെ പേസ് ബോളിംഗ് പരിശീലകൻ.
