ടി20 ലോകകപ്പ്; ഇന്ത്യ-പാക് മത്സരത്തിനായുള്ള ടിക്കറ്റുകൾ വിറ്റുതീർന്നത് മിനിറ്റുകൾക്കുള്ളിൽ

വരുന്ന ഒക്‌ടോബറിൽ ഓസ്ട്രേലിയയിൽ ആരംഭിക്കാനിരിക്കുന്ന ടി20 ലോകകപ്പിനുള്ള ആവേശം കൊടിമുടികയറുകയാണ്. ടൂർണമെന്റിന് പകിട്ടേകാൻ ഇന്ത്യ, പാകിസ്ഥാൻ മത്സരവും ഉണ്ട്. ദേ ഇപ്പോൾ ടിക്കറ്റ് വിൽപ്പനയും ഏവരെയും ഞെട്ടിച്ചിരിക്കുകയാണ്.

വെറും അഞ്ച് മിനിറ്റിനുള്ളിൽ ഇന്ത്യ-പാക് മത്സരത്തിനായുള്ള ടിക്കറ്റുകൾ മുഴുവൻ വിറ്റുതീർന്നെന്നാണ് കണക്കുകൾ. ഒക്‌ടോബർ 23-ന് മെൽബൺ ക്രിക്കറ്റ് ഗ്രൗണ്ടിലാണ് (എം‌സി‌ജി) ഏവരും കാത്തിരിക്കുന്ന ഇന്ത്യ-പാകിസ്ഥാൻ മത്സരം നടക്കുന്നത്.

ടി20 ലോകകപ്പ് 2022 ഒക്ടോബർ 16 മുതൽ നവംബർ 13 വരെയാണ് ഓസ്‌ട്രേലിയയിൽ നടക്കുക. മെൽബൺ, സിഡ്‌നി, ബ്രിസ്‌ബേൻ, അഡ്‌ലെയ്ഡ്, ഗീലോംഗ്, ഹൊബാർട്ട്, പെർത്ത് എന്നീ ഏഴ് വേദികളിലായാണ് ടൂർണമെ്റ് ഷെഡ്യൂൾ ചെയ്‌തിരിക്കുന്നത്.

അഡ്‌ലെയ്ഡ്, ബ്രിസ്‌ബേൻ, ഗീലോങ്, ഹോബാർട്ട്, മെൽബൺ, പെർത്ത്, സിഡ്‌നി എന്നിവിടങ്ങളിൽ മൊത്തം 45 മത്സരങ്ങളാണ് ടി20 ലോകകപ്പിൽ അരങ്ങേറുക. കഴിഞ്ഞ ലോകകപ്പിലെ പോരാട്ടത്തിൽ ഇന്ത്യയെ തകർത്തതിന്റെ കണക്കുകൾ തീർക്കാനാണ് ഇന്ത്യൻ ആരാധകർ കാത്തിരിക്കുന്നതു തന്നെ.

ലോകകപ്പിന് നേരിട്ടു യോഗ്യത നേടിയ എട്ട് ടീമുകൾ തിരിച്ചുള്ള ഗ്രൂപ്പും ഐസിസി നേരത്തെ പ്രഖ്യാപിച്ചിരുന്നു. മറ്റ് നാല് ടീമുകളും റൗണ്ട് 1 ക്വാളിഫയറിലൂടെ വേണം യോഗ്യത നേടാൻ. ശ്രീലങ്ക, വെസ്റ്റിഡീസ്, സ്കോട്‌ലൻഡ്, നാമ്പിയ ടീമുകളാണ് ഇതിൽ പങ്കെടുക്കുക.

ഗ്രൂപ്പ് എയിൽ ഇംഗ്ലണ്ട്, ന്യൂസിലൻഡ്, ഓസ്ട്രേലിയ, അഫ്ഗാനിസ്ഥാൻ ടീമുകളാണ് ഇടംപിടിച്ചിരിക്കുന്നത്. അതേസമയം ഗ്രൂപ്പ് ബിയിൽ ഇന്ത്യ, പാകിസ്ഥാൻ, ദക്ഷിണാഫ്രിക്ക, ബംഗ്ലാദേശ് ടീമുകളും നേർക്കുനേർ ഏറ്റുമുട്ടും.