ഗബ്രിയേലിനെ അന്നൗൻസ് ചെയ്ത് ആർസെനൽ

നാടകീയതകൾക്ക് വിരാമം ! കഴിഞ്ഞ 3ആഴ്ചകളായി നീണ്ട ട്രാൻസ്ഫർ റുമറിന് വിരാമമിട്ട് ലില്ലി താരം ഗബ്രിയേൽ മഗല്ലസിന്റെ സൈനിങ്‌ ആർസെനാൽ ഔദ്യോഗികമായി പ്രഖ്യാപിച്ചു. ബ്രസീലിയൻ സെന്റർബാക്കായ 22കാരനായ ഗബ്രിയേലിനു വേണ്ടി നാപോളി മാഞ്ചസ്റ്റർ യുണൈറ്റഡ് എന്നിവർ രംഗത്തുണ്ടായെങ്കിലും ആർസെനൽ സ്വൂപ്പ് ചെയ്യുകയായിരുന്നു. ഏകദേശം 25മില്യൺ പൗണ്ടിനാണ് കരാർ. ജേഴ്സി നമ്പർ 6 ആണ് ഗബ്രിയേലിനു നൽകിയിരിക്കുന്നത്.  ഗബ്രിയേലിന്റെ വരവോടെ ആര്സെണലിന്റെ പ്രതിരോധം ശക്‌തിപ്പെടുമെന്നാണ് വിലയിരുത്തൽ.