ട്രാൻസ്ഫർ ന്യൂസ്‌ : ഫ്രഞ്ച് താരത്തെ റാഞ്ചാനൊരുങ്ങി ആര്സെനാൽ
സമ്മർ ട്രാൻസ്ഫെറിൽ ആര്സെനൽ ആരാധകർക്ക് ശുഭപ്രതീക്ഷയായി ഒരു വാർത്ത. കഴിഞ്ഞ ഒരു വര്ഷമായി ആര്സെണലിന്റെ ട്രാൻസ്ഫർ റഡാറിലുള്ള RB ലെപ്‌സിഗിന്റെ ഡിഫെൻഡറായ ഫ്രഞ്ച് യുവ താരം ഡയോട്ട് ഉപ്പമാക്കാനോയെ സ്വന്തമാക്കുന്നതിനോട് ഗണ്ണേഴ്‌സ്‌ അടുത്തെത്തി എന്നതാണ് സൂചന. ഇരുടീമുകളും തമ്മിൽ ഇത് സംബന്ധിച്ച ധാരണയിൽ എത്തിയെന്നും താരം ലിപ്സിഗുമായി പുതിയ കോൺട്രാക്ട് സൈൻ ചെയ്യാത്ത പക്ഷം എമിരേറ്സിലേക്ക് നീങ്ങുമെന്നും ഇംഗ്ലീഷ് മാധ്യമങ്ങൾ റിപ്പോർട്ട്‌ ചെയ്തു. ഏകദേശം 34മില്യൺ പൗണ്ട് ആയിരിക്കും കരാർ തുകയെന്നും സ്ഥിതീകരിക്കാത്ത റിപ്പോർട്ട്‌ ഉണ്ട്.
21കാരനായ ഉപ്പമക്കാനൊയുടെ പിന്നാലെ മാഞ്ചസ്റ്റർ യുണൈറ്റഡും, ബയേണും അടക്കം വമ്പൻ ക്ലബ്ബുകൾ രംഗത്തുണ്ടായിരുന്നു. 2019-20സീസണിലെ രണ്ടാം പകുതിയിൽ പരിക്ക് വലച്ചെങ്കിലും സീസണിലുടനീളം മികച്ച പ്രകടനമാണ് ഉപ്പമക്കാനൊ പുറത്തെടുത്തത്. താരം എമിരേറ്സിലേക്ക് വരികയാണെങ്കിൽ, ഈ വരുന്ന സീസണിൽ മറ്റൊരു ഫ്രഞ്ച് യുവതാരമായ വില്യം സലീബയോടൊപ്പം ആവും ആര്സെണലിന്റെ പ്രതിരോധക്കോട്ടയുടെ ചുമതല.
