എതിര്‍ ചേരിയില്‍ നിന്നും യമാലിന് ഒരു ആരാധകന്‍
ലമായിന്‍ യമാല്‍ ഒരു സൂപ്പര്‍ താരം ആണ് എന്നു പല ഫൂട്ബോള്‍ വിദഗ്ദ്ധരും പറഞ്ഞു കഴിഞ്ഞു.എന്നാല്‍ യുവ സ്പാനിഷ് താരത്തിനു മേല്‍ വലിയ പ്രതീക്ഷ ഉള്ളതായി റയല്‍ മാഡ്രിഡ് പ്രതിരോധ താരം ആന്തണി റൂഡിഗര്‍ പറഞ്ഞു.യമാലിനെ പോലൊരു യുവ താരം വളരെ അധികം പക്വതയോടെ ആണ് പിച്ചില്‍ പെരുമാറുന്നത് എന്നും , ഇത് തികച്ചും ബാഴ്സക്ക് നല്ല ഗുണം ചെയ്യും എന്നും അദ്ദേഹം പറഞ്ഞു.
” യമാലിനെ പോലൊരു യുവ താരത്തിനെ ബാഴ്സക്ക് കിട്ടിയതു തന്നെ ഭാഗ്യം ആണ്.ഒരു യുവ താരം ഇത്രക്ക് പിച്ചില്‍ കമാൻഡ് ചെയ്തു കളിക്കുന്നത് ഞാന്‍ കണ്ടിട്ടില്ല.എതിര്‍ ടീം ആണ് എങ്കിലും അവന് ഈ ആരോഗ്യം കാത്തു സൂക്ഷിക്കാന്‍ കഴിയട്ടെ.” റുഡിഗര്‍ മാധ്യമങ്ങളോട് പറഞ്ഞു.റയൽ മാഡ്രിഡിൽ, റൂഡിഗർ തൻ്റെ അനുയോജ്യമായ സെൻ്റർ ബാക്ക് ലൈനിലേക്ക് ആരെ വേണം എന്നു റിപ്പോര്‍ട്ടര്‍ ചോദിച്ചപ്പോള്‍ അദ്ദേഹം പറഞ്ഞ മറുപടി ഇതായിരുന്നു. “സാലിബ ഉണ്ടായാൽ വലിയ കാര്യമാണ്. വാൻ ഡിക്ക്, ഗബ്രിയേൽ എന്നിവർക്കൊപ്പം ലോകത്തിലെ ഏറ്റവും മികച്ച മൂന്ന് സെൻ്റർ ബാക്കുകളിൽ ഒരാളാണ് അദ്ദേഹം.”
