ശ്രീലങ്കക്ക് തിരിച്ചടി ; വനിന്ദു ഹസരംഗ ലോകക്കപ്പ് കളിക്കാന്‍ സാധ്യത ഇല്ല
വനിന്ദു ഹസരംഗയുടെ പരിക്കിനെ കുറിച്ച് ശ്രീലങ്കൻ ക്രിക്കറ്റ് മെഡിക്കൽ പാനൽ തലവൻ അർജുന ഡി സിൽവ പരസ്യപ്രസ്ഥാവന നടത്തിയിരിക്കുന്നു.താരത്തിനു ശസ്ത്രക്രിയ വേണോ വേണ്ടയോ എന്ന് പരിശോധിക്കാൻ ടീം മാനേജ്‌മെന്റ് നിലവിൽ വിദേശ ഡോക്ടർമാരുമായി കൂടിയാലോചിച്ച് വരികയാണെന്നും വരാനിരിക്കുന്ന ഏകദിന ലോകകപ്പ് അദ്ദേഹത്തിന് നഷ്ടമാകാൻ സാധ്യതയുണ്ടെന്നും അർജുന ഡി സിൽവ പറഞ്ഞു.
ശ്രീങ്കൻ പ്രീമിയർ ലീഗിലെ കഴിഞ്ഞ മാസത്തെ പ്ലേഓഫിൽ ഹസരംഗയ്ക്ക് ഹാംസ്ട്രിംഗില്‍ പരിക്കേറ്റു.ശ്രീലങ്കയുടെ സമീപകാല ഏഷ്യാ കപ്പ് പ്രചാരണത്തിൽ താരത്തിനു പങ്കെടുക്കാന്‍ ആയില്ല.”ഞങ്ങളുടെ ടീമിലെ പ്രധാന ഒഫന്‍സീവ് ബോളര്‍ ആണ് അദ്ദേഹം.അതിനാല്‍ പ്രധാനപ്പെട്ട ഗെയിമുകൾക്കെങ്കിലും അയാളുടെ സേവനം എങ്ങനെ മികച്ച രീതിയിൽ ലഭിക്കുമെന്ന് കാണാൻ ഞങ്ങൾ മറ്റ് ഓപ്ഷനുകൾ നോക്കുകയാണ്.അദ്ദേഹത്തിന്റെ റിപ്പോർട്ടുകൾ കാണിക്കാൻ ശ്രമിക്കുന്ന കൺസൾട്ടന്റിന്റെ അഭിപ്രായത്തെ ആശ്രയിച്ചിരിക്കുന്നു ടീമിന്‍റെ ഭാവി.”അർജുന ഡി സിൽവ മാധ്യമങ്ങളോട് പറഞ്ഞു.
