യൂറോ 2024 ക്വാളിഫയര്‍സ് ; ഓസ്ട്രിയക്കെതിരെ ബെല്‍ജിയം
യൂറോ 2024 ക്വാളിഫയര്‍സ് ഗ്രൂപ്പ് മത്സരത്തില്‍ ഇന്ന് ബെൽജിയവും ഓസ്ട്രിയയും പരസ്പരം ഏറ്റുമുട്ടിയെക്കും.യൂറോ 2024 യോഗ്യതാ കാമ്പെയ്‌ൻ മാർച്ചിൽ തുടർച്ചയായി വിജയങ്ങളോടെ ഓസ്ട്രിയ ആരംഭിച്ചപ്പോള്‍ സ്വീഡനെ എതിരില്ലാത്ത മൂന്നു ഗോളിന് തോല്‍പ്പിച്ച് കൊണ്ട് മികച്ച തുടക്കം ആണ് ബെല്‍ജിയം കാഴ്ച്ചവെച്ചത്.ഇന്ത്യന്‍ സമയം ഇന്ന് രാത്രി പന്ത്രണ്ടേ കാലിന് കിംഗ് ബൗഡോയിൻ സ്റ്റേഡിയത്തില്‍ വെച്ചാണ് മത്സരം.
ലോകക്കപ്പിലെ വളരെ മോശം പ്രകടനത്തിന് ശേഷം ബെല്‍ജിയം നാഷണല്‍ ടീം അതീവ സമ്മര്‍ദത്തില്‍ ആയിരുന്നു.ക്യാപ്റ്റന്‍ എന്ന നിലയില്‍ കെവിന്‍ ഡി ബ്രൂയ്ന വരെ വിമര്‍ശനങ്ങള്‍ ഏറ്റു വാങ്ങിയിരുന്നു.മാനേജര്‍ ആയ റോബർട്ടോ മാർട്ടിനെസിനെ പുറത്താക്കി യുവ മാനേജറും മുന്‍ ഷാള്‍ക്കെ കോച്ചുമായിരുന്ന ഡൊമെനിക്കോ ടെഡെസ്കോയാണ് ഇപ്പോള്‍ ബെല്‍ജിയത്തെ നയിക്കുന്നത്.അദ്ദേഹത്തിന് കീഴില്‍ കളിച്ച രണ്ടു കളികളും ബെല്‍ജിയത്തിന് ജയിക്കാന്‍ കഴിഞ്ഞു.മറുഭാഗത്ത് കഴിഞ്ഞ യുവേഫ നാഷന്‍സ് കാമ്പെയിനില്‍ ഏറ്റ മോശം തോല്‍വി മറക്കാനുള്ള ലക്ഷ്യത്തില്‍ ആണ് ഓസ്ട്രിയ.മുന്‍ യുണൈട്ടഡ് മാനേജര്‍ ആയ റാല്‍ഫ് റാഗ്നിക്കിന് കീഴില്‍ മികച്ച വളരെ ഭേദപ്പെട്ട പ്രകടനം ആണ് ഓസ്ട്രിയ കാഴ്ചവെക്കുന്നത്.
