റാഫേല്‍ ലിയോ മിലാനില്‍ തന്നെ തുടരും എന്ന് താരത്തിന്‍റെ പിതാവ്; തിരിച്ചടി നേരിട്ട് മുന്‍നിര ക്ലബുകള്‍
എസി മിലാൻ ഫോര്‍വേഡ് ആയ റാഫേൽ ലിയോയുടെ പിതാവ് താരം തന്‍റെ കരിയര്‍ എസി മിലാന് വേണ്ടി സമര്‍പ്പിക്കാന്‍ ഒരുങ്ങുന്നു എന്ന് മാധ്യമങ്ങളോട് വെളിപ്പെടുത്തിയിരിക്കുന്നു.ഈ ഒരു വാര്‍ത്ത പല മുന്‍നിര ക്ലബുകള്‍ക്കും നല്‍കുന്ന തിരിച്ചടി വളരെ വലുത് ആണ്.റയല്‍ മാഡ്രിഡ്‌,മാഞ്ചസ്റ്റര്‍ യുണൈറ്റഡ്,ബാഴ്സലോണ,ചെല്‍സി,സിറ്റി,പിഎസ്ജി എന്നിങ്ങനെ പോകുന്നു താരത്തിനെ സൈന്‍ ചെയ്യാന്‍ ആഗ്രഹിക്കുന്ന ക്ലബുകളുടെ ലിസ്റ്റ്.
അദ്ദേഹം കഴിഞ്ഞ 18 മാസമായി റോസോനേരിക്ക് വേണ്ടി മികച്ച പ്രകടനം ആണ് കാഴ്ചവെക്കുന്നത്. കഴിഞ്ഞ സീസണിൽ 11 ഗോളുകളും സ്‌കുഡെറ്റോ ചാമ്പ്യൻമാർക്കായി 10 അസിസ്റ്റുകളും നേടിയതിന് ശേഷം സീരി എ പ്ലെയർ ഓഫ് ദ ഇയർ ആയി താരം തിരഞ്ഞെടുക്കപ്പെട്ടു.സ്കൈ സ്പോര്‍ട്ട്സിന് നല്‍കിയ അഭിമുഖത്തില്‍ താരം ഇറ്റലി ഏറെ ഇഷ്ട്ടപ്പെടുന്നു എന്നും അവിടെ കരിയര്‍ ചിലവഴിക്കാന്‍ അദ്ദേഹം കാര്യമായി ചിന്തിക്കുന്നുണ്ട് എന്നും താരത്തിന്‍റെ പിതാവ് വെളിപ്പെടുത്തി.താരവുമായി കരാറില്‍ എത്താനാകും എന്ന് തന്നെ ആണ് മിലാന് മാനേജ്മെന്റും കരുതുന്നത്.
