റയൽ മാഡ്രിഡ് യുവ താരമായ അൽവാരോ ഒഡ്രിയോസോളക്ക് ഒരു കരാര്‍ നല്‍കാന്‍ തീരുമാനിച്ച് യുവന്‍റ്റസ്
റയൽ മാഡ്രിഡുമായി റൈറ്റ് ബാക്ക് അൽവാരോ ഒഡ്രിയോസോളയുടെ ട്രാന്‍സ്ഫര്‍ സംബന്ധിച്ച് ചർച്ച നടത്താൻ യുവന്റസ് പദ്ധതിയിടുന്നതായി റിപ്പോർട്ട്.കാർലോ ആൻസലോട്ടിയുടെ കീഴിലുള്ള ബ്ലാങ്കോസ് ടീമിൽ ഇടം നേടാന്‍ കഴിയാതെ പോയ 26-കാരൻ ഈ കാലയളവിൽ സ്പാനിഷ്, യൂറോപ്യൻ ചാമ്പ്യൻമാർക്കായി ഒരു മത്സരം പോലും കളിച്ചിട്ടില്ല.
സ്പെയിൻ ഇന്റർനാഷണൽ താരത്തിന്റെ റയലുമായുള്ള കരാര്‍ അവസാനിക്കുന്നത് 2024 ല്‍ ആണ്.ഡാനി കാർവഹാള്‍, ലൂക്കാസ് വാസ്‌ക്വസ്,നാച്ചോ എന്നിവരുടെ സാന്നിധ്യം മൂലം താരത്തിനു ആദ്യ ടീമില്‍ ഇടം ലഭിക്കുന്നില്ല.തന്‍റെ കരിയര്‍ വീണ്ടെടുക്കാന്‍ ഒരു ഓപ്ഷന്‍ താരം തിരയുകയാണ് എന്ന് റിപ്പോര്‍ട്ട് നല്‍കിയ കാൽസിയോമെർകാറ്റോ, യുവേ ഈ അവസരം മുതലെടുക്കാന്‍ ശ്രമം നടത്തും എന്നും കൂട്ടിച്ചേര്‍ത്തു.2021-22 സീസണിൽ ഫിയോറന്റീനയില്‍ ലോണില്‍ കളിച്ച താരം മികച്ച സീസണ്‍ സീരി എ യില്‍ ആസ്വദിച്ചിരുന്നു.യൂറോപ്പ കോൺഫറൻസ് ലീഗിൽ ഫിയോറന്റീനയെ എത്തിക്കുന്നതില്‍ താരത്തിന്റെ റോള്‍ വളരെ വലുത് ആയിരുന്നു.അതിനാല്‍ താരം തങ്ങള്‍ക്ക് വേണ്ടി സീരി എയില്‍ അതേ ഫോം ആവര്‍ത്തിക്കും എന്നാണ് യുവന്‍റ്റസിന്‍റെ കണക്ക് കൂട്ടലുകള്‍.
