ബാബർ അസം, ക്രെയ്ഗ് ബ്രാത്ത്വെയ്റ്റ്, പാറ്റ് കമ്മിൻസ് എന്നിവർ ഐസിസിയുടെ മികച്ച പുരുഷ താരത്തിനുള്ള പുരസ്കാരത്തിന് നാമനിർദ്ദേശം ചെയ്യപ്പെട്ടു.
മാർച്ചിലെ മികച്ച വ്യക്തിഗത പ്രകടനത്തെത്തുടർന്ന് പാക്കിസ്ഥാനിൽ നിന്നുള്ള അന്താരാഷ്ട്ര ക്യാപ്റ്റന്മാരായ ബാബർ അസം, വെസ്റ്റ് ഇൻഡീസിന്റെ ക്രെയ്ഗ് ബ്രാത്വെയ്റ്റ്, ഓസ്ട്രേലിയയുടെ പാറ്റ് കമ്മിൻസ് എന്നിവർ ഐസിസി പുരുഷ താരത്തിനുള്ള പുരസ്കാര പട്ടികയിൽ ഇടംപിടിച്ചു.
വനിതാ വിഭാഗത്തിൽ ഇംഗ്ലണ്ട് ബൗളർ സോഫി എക്ലെസ്റ്റോണും റൺ മെഷീനുകളായ റേച്ചൽ ഹെയ്നസും (ഓസ്ട്രേലിയ), ലോറ വോൾവാർഡും (ദക്ഷിണാഫ്രിക്ക) അടുത്തിടെ സമാപിച്ച ഏകദിന ലോകകപ്പിലെ മികച്ച പ്രകടനത്തെത്തുടർന്ന് അവാർഡ് സാധ്യത പട്ടികയില് ഇടം പിടിച്ചിട്ടുണ്ട്.വിജയികളെ അടുത്ത ആഴ്ച പ്രഖ്യാപിക്കും.ഓസ്ട്രേലിയയ്ക്കെതിരായ പരമ്പരയിൽ പാക്കിസ്ഥാന്റെ ബാറ്റിംഗിൽ ബാബർ അവിഭാജ്യ പങ്കുവഹിച്ചു, ടെസ്റ്റിൽ 390 റണ്സ് നേടിയ താരം ഓസ്ട്രേലിയ ഉയർത്തിയ 349 റൺസ് വിജയലക്ഷ്യം പിന്തുടരാൻ പാക്കിസ്ഥാനെ സഹായിച്ചു.2021 ഏപ്രിലിൽ വിജയിച്ചതിന് ശേഷം ഇത് രണ്ടാം തവണയാണ് ഐസിസി പ്ലെയർ ഓഫ് ദി മന്ത് അവാർഡിനുള്ള ഷോർട്ട് ലിസ്റ്റിൽ അദ്ദേഹം ഇടംപിടിക്കുന്നത്.
