കൊല്‍ക്കത്ത ബോളിംഗ് കോച്ച് ആണ് ഇന്നത്തെ വിജയത്തിന് പിന്നില്‍ എന്ന് രഹാനെ
കൊൽക്കത്ത നൈറ്റ് റൈഡേഴ്‌സ് (കെകെആർ) ഓപ്പണർ അജിങ്ക്യ രഹാനെ പുതിയ ബൗളിംഗ് കോച്ച് ഭരത് അരുണിനെ അഭിനന്ദിച്ചു, തന്റെ കീഴില്‍ ഉള്ള കളിക്കാരെ ആത്മവിശ്വാസം നേടാൻ സഹായിച്ചത് ഒന്നാം മത്സരത്തിൽ തന്നെ ഫലം കണ്ടു എന്നാണ് താരം വിശ്വസിക്കുന്നത്.
34 കാരനായ ഉമേഷ് യാദവ്, മൂന്ന് വർഷത്തിനിടെ തന്റെ മൂന്നാമത്തെ ഐ‌പി‌എൽ മത്സരം കളിക്കുന്നു, പുതിയ പന്ത് ഉപയോഗിച്ച് മികച്ച സ്പെല്ലോടെ സി‌എസ്‌കെയുടെ മുന്‍നിരയെ തകര്‍ത്തു.കെകെആറിന്റെ വിജയത്തിന് പിന്നിലെ പ്രധാന കാരണങ്ങളിലൊന്നാണ് ഉമേഷിന്റെ പവർപ്ലേ ബോളിംഗ് ആണെന്നും രഹാനെ ചൂണ്ടിക്കാട്ടി.”ഭരത് സാറിന് മാവിയെയും ഉമേഷിനെയും എല്ലാ ഇന്ത്യൻ ബോളര്‍മാരെയും നന്നായി അറിയാം.അവർക്ക് ആത്മവിശ്വാസം നൽകുന്ന കാര്യത്തില്‍ അദ്ദേഹം വിജയിച്ചു.സാറിനു കീഴില്‍ ഈ ഐപിഎല്ലിൽ ഞങ്ങളുടെ ബൗളർമാർ മികച്ച പ്രകടനം കാഴ്ചവെക്കുമെന്ന് എനിക്ക് ഉറപ്പുണ്ട്.”സ്‌പോർട്‌സ്‌കീഡയുടെ ചോദ്യത്തിന് മറുപടിയായി രഹാനെ പറഞ്ഞു.
