യൂറോപ്പ ലീഗിൽ ബാഴ്‌സലോണ ഇന്ന് ഗലാറ്റസരെയെ നേടിടും
യുവേഫ യൂറോപ്പ ലീഗിൽ ബാഴ്‌സലോണ ഇന്ന് ഗലാറ്റസരെയെ നേടിടും. ക്യാമ്പ് നൗവിൽ നടക്കുന്ന ആദ്യപാദത്തിൽ ഇന്ന് കാറ്റാലൻ ക്ലബിനു തന്നെയാണ് മേൽകൈ. പോയ കുറെ മത്സരങ്ങളായി ബാഴ്‌സലോണ മികച്ച ഫോമിലാണ്.
പോയ നാല് കളികളിൽ നിന്നായി 14 ഗോളുകൾ നേടിയാണ് ചാവിയുടെ ബാഴ്‌സലോണ എത്തുന്നത് എന്ന കാര്യവും ഗലാറ്റസരെയുടെ നെഞ്ചിടിപ്പേറ്റും. ha/ റൗണ്ടിൽ ഇറ്റാലിയൻ ടീമായ നാപോളിയെ 5-3 എന്ന സ്‌കോറിന് തോൽപ്പിച്ചാണ് ബാഴ്‌സ പ്രീ-ക്വാർട്ടറിലേക്ക് എത്തിയിരിക്കുന്നത്.
മറുവശത്ത് ടർക്കിഷ് ടീമായ ഗലാറ്റസരെ അത്ര ഉഗ്രൻ ഫോമിലൊന്നുമല്ല. ഗലാറ്റസരെ ഫോർവേഡ് അർദ ടുറാൻ ഇന്ന് കളിക്കാൻ സാധ്യതയില്ലാത്തതും ടീമിന് തിരിച്ചടിയായേക്കാം. കൂടാതെ അതേസമയം സോഫിയാൻ ഫെഗൗലിയും കാൻ അർസ്‌ലാനും ഫിറ്റ്‌നസ് പ്രശ്‌നങ്ങളുള്ളതിനാൽ കളിച്ചേക്കില്ല.
ബാഴ്‌സയുടെ ആക്രമണത്തെ നയിക്കാൻ പുതുതായി എത്തിയ പിയറി-എമെറിക്ക് ഒബമയാങ്, ഫെറാൻ ടോറസ്, അദാമ ട്രവോരെ എന്നിവരെ തന്നെയാകും ചാവി നിയമിക്കുക. മൂന്ന് മഞ്ഞക്കാർഡ് ലഭിച്ചതിനാൽ ഗവി ഇന്ന് പുറത്തിറക്കേണ്ടി വരും. അൻസു ഫാത്തി, സെർജി റോബർട്ടോ, സാമുവൽ ഉംറ്റിറ്റി, അലജാൻഡ്രോ ബാൽഡെ എന്നിവർ പരിക്കേറ്റ് പുറത്താണ്.
