കിരീട സാധ്യതയിൽ പ്രതീക്ഷ എന്ന് സാവി
ഈ വർഷത്തെ ലാലിഗ കിരീടത്തിൽ പ്രതീക്ഷ നഷ്ടപ്പെട്ടിട്ടില്ല എന്ന് ബാർസലോണ മാനേജർ സാവി ഹെർണാണ്ടസ്.എസ്‌പാന്യോളിനെതിരായ ലീഗ് മത്സരത്തിനു മുന്നോടിയായി മാധ്യമങ്ങളോട് സംസാരിക്കുമ്പോഴാണ് സാവി ലാലിഗ കിരീടത്തിൽ തങ്ങൾക് പ്രതീക്ഷ ഇല്ലാതായിട്ടില്ല എന്ന് വ്യക്തമാക്കിയത്.
നിലവിൽ ബാഴ്‌സലോണ ലാലിഗയിൽ അഞ്ചാം സ്ഥാനത്താണെങ്കിലും ഇന്നു നടക്കുന്ന മത്സരത്തിൽ വിജയിച്ചാൽ ബാഴ്സലോണക്ക് മൂന്നാം സ്ഥാനത്തേക്ക് മുന്നേറാം. എന്നാൽ എസ്പാന്യോളുമായുള്ള മത്സരം ബാഴ്സലോണക്ക് വലിയ വെല്ലുവിളി ആയിരിക്കും. കഴിഞ്ഞ മത്സരത്തിൽ ചുവപ്പ് കാർഡ് കണ്ട ഡാനി ആൽവെസ്ന് എസ്പാന്യോളുമായുള്ള മത്സരം കളിക്കാൻ ആവില്ല. ആൽവെസിൻ്റെ അഭാവം ഒരു പക്ഷെ ടീമിൻ്റെ ആക്രമണത്തെയും പ്രതിരോധത്തെയും ഒരുപോലെ ബാധിക്കും . ജയത്തിൽ കുറഞ്ഞതൊന്നും സാവിയും സംഘവും ആഗ്രഹിക്കുന്നില്ല, ജയത്തോടെ ലീഗിലെ ആദ്യ നാല് സ്ഥാനങ്ങളിൽ ഇടം പിടിക്കാൻ ആവും എന്ന വിശ്വാസത്തിലാണ് ബാഴ്സ ഇന്ന് പോരിന് ഇറങ്ങുന്നത്.
