ലിലെയെ പഞ്ഞിക്കിട്ടു പിഎസ്ജി
ലയണൽ മെസ്സിയും കൈലിയൻ എംബാപ്പെയും സ്‌കോർ ചെയ്‌ത മല്‍സരതില്‍ പാരീസ് സെന്റ് ജെർമെയ്‌ൻ ലില്ലിക്കെതിരെ 5-1ന് ജയിച്ചു.പോർച്ചുഗീസ് മിഡ്‌ഫീൽഡർ ഡാനിലോ പെറിര ഇരട്ട ഗോളുകൾ നേടിയ മല്‍സരത്തില്‍ വളരെ ക്ലിനിക്കല്‍ ആയിരുന്നു പിഎസ്ജിയുടെ പ്രകടനം.
ആദ്യ പകുതിയില്‍ പ്രസ്നല്‍ കിംബെപ്പേയും പിഎസ്ജിക്ക് വേണ്ടി സ്കോര്‍ ഷീറ്റില്‍ ഇടം നേടിയപ്പോള്‍ ലിലെയുടെ ഏക ഗോള്‍ പിറന്നത് സ്വെൻ ബോട്ട്മാനിലൂടെ ആയിരുന്നു.നൈസിനോട്‌ കൂപ്പെ ഡി ഫ്രാൻസ് പുറത്തായതിന് ശേഷം പി‌എസ്‌ജിയിൽ നിന്നുള്ള നല്ല പ്രതികരണമായിരുന്നു ഇത്, 23 മത്സരങ്ങൾക്ക് ശേഷം ടൈറ്റിൽ റേസിൽ അവർക്ക് ഇപ്പോൾ 13 പോയിന്റിന്റെ ലീഡുണ്ട്.കൂടാതെ വലിയ മാര്‍ജിനില്‍ ഉള്ള വിജയം പിഎസ്ജിയെ റയലിനോടുള്ള ചാമ്പ്യന്‍സ് ലീഗ് മത്സരത്തിനു കൂടുതല്‍ പ്രാപ്തമാക്കും.
