അത്ലറ്റിക്കോയേ തറപറ്റിച്ച് ബാഴ്സ ; നാലാം സ്ഥാനത്ത്
ക്യാമ്പ് നൗവിൽ നടന്ന വാശിയേറിയ മത്സരത്തിൽ ബാഴ്‌സലോണ 4-2ന് അത്‌ലറ്റിക്കോ മാഡ്രിഡിനെ പരാജയപ്പെടുത്തി.ലാലിഗയിൽ യഥാക്രമം അഞ്ച്, നാല് സ്ഥാനങ്ങളിലായാണ് ഇരു ടീമുകളും ഈ മത്സരത്തിനിറങ്ങിയത്.വിജയം നേടിയ ബാഴ്സ ലീഗില്‍ നിലവില്‍ നാലാം സ്ഥാനത്തേക്ക് എത്തി.
ലൂയിസ് സുവാരസിന്റെ പാസ് പിന്തുടർന്ന് എട്ടു മിനിറ്റിനുള്ളിൽ യാനിക് കരാസ്കോയിലൂടെ ഡീഗോ സിമിയോണിന്റെ ടീമാണ് ലീഡ് നേടിയത്.എന്നാൽ രണ്ട് മിനിറ്റിനുള്ളിൽ ബാഴ്സ സമനില ഗോള്‍ നേടി.ബോക്‌സിന് കുറുകെയുള്ള ആൽവസിന്റെ പന്തിൽ നിന്ന് ജോർഡി ആൽബയുടെ വോളി ഗോള്‍ കാണികളുടെ മനം കവര്‍ന്നു.ആദ്യ പകുതി തീര്‍ന്നപ്പോള്‍ റൊണാള്‍ഡ് അറൂഹോ,ഗാവി എന്നിവരും കൂടി സ്കോര്‍ ബോര്‍ഡില്‍ ഇടം നേടി.രണ്ടാം പകുതിയില്‍ അല്‍വസ് ബാഴ്സക്ക് വേണ്ടി നാലാം ഗോള്‍ നേടിയപ്പോള്‍ സുവാരസ് അത്ലറ്റിക്കോക്ക് വേണ്ടി ആശ്വാസ ഗോള്‍ നേടി കൊടുത്തു.ബാഴ്സ നിരയില്‍ തന്‍റെ ആദ്യ മത്സരത്തില്‍ തന്നെ ട്രവോറെ ആരാധകരുടെ കൈയടി നേടിയെടുത്തു.
