അയാളുടെ ആദ്യ നാളുകളിൽ അയാളൊരു കശാപ്പുകാരനായിരുന്നു, ബോളിനെ ലെഗ് സൈഡിലേക്ക് ഒരു മയവും കൂടാതെ പറത്തി വിടുന്ന ഒരു വെടികെട്ടു താരം, ഇന്ന് ചിന്നസ്വാമിയിലെ ആരാധകർ ഡിവില്ലിയേഴ്സിനെ ആഘോഷിക്കുന്നതിനു മുന്നേ, ആ കാണികൾ ഇയാൾക്ക് ജയ് വിളിച്ചൊരു കാലമുണ്ടായിരുന്നു ഐപിൽ ഇൽ, ചിന്നസ്വാമിയെ പ്രകമ്പനം കൊള്ളിക്കുന്ന ഇടിവെട്ട് ഇന്നിങ്‌സുകളിൽ നിന്നും പിന്നീട് പക്വതയുള്ള ഒരു കിവീസ് ബാറ്സ്മാനായി അയാൾ പതിയെ മാറുകയായിരുന്നു, ആ അൺ ഓർത്തഡോൿസ്‌ ടെക്നിക്കും, കണ്ണും കയ്യും തമ്മിലുള്ള ആ മികച്ച കോ ഓർഡിനേഷനും അയാൾക്ക് ഒരുപാട് റണ്ണുകൾ സമ്മാനിച്ചു, മക്കല്ലത്തിന് കീഴിൽ അവർ ഒരു മികച്ച ടീമായി മാറിയപ്പോൾ ടെയ്‌ലറും അയാളുടെ കർത്തവ്യം ആ ടീമിൽ ഭംഗിയായി നിറവേറ്റിയിരിന്നു,…

2011 ന് മുതൽ ഇങ്ങോട്ടുള്ള ആ കാലഘട്ടത്തിൽ എന്നും ശക്തരായ എതിരാളികൾക്കെതിരെ അദ്ദേഹം മികച്ചു നിന്നിരുന്നു, പല പ്രതിസന്ധി ഘട്ടങ്ങളിലും കിവികളുടെ ആ ബാറ്റിംഗ് ലൈൻ അപ്പിനെ താങ്ങി നിർത്തിയതും ആരും ആഘോഷിക്കാത്ത ആ മുഖമായിരുന്നു, ആദ്യ നാളുകളിൽ ബോളിനെ അതിർത്തി കടത്താൻ അയാൾ ഉപയോഗിച്ചിരുന്ന ആ ശക്തി അദ്ദേഹത്തിൽ നിലവിലില്ലെങ്കിലും, അയാൾ ഇന്നും മികച്ചു നിൽക്കുകയാണ്, പ്രായത്തിനെ പോലും തോൽപിച്ചു കൊണ്ട് അയാൾ പറയുകയാണ് വയസൊക്കെ ഒരു അക്കമാണെന്നുള്ള വസ്തുത….