ആഴ്സണല്‍ ഇതിഹാസം പാട്രിക് വിയേരയെ ജെനോവയുടെ പുതിയ പരിശീലകനായി നിയമിച്ചു
മുൻ ആഴ്സണൽ ക്യാപ്റ്റൻ പാട്രിക് വിയേരയെ തങ്ങളുടെ പുതിയ പരിശീലകനായി ജെനോവ നിയമിച്ചതായി സീരി എ ക്ലബ് ബുധനാഴ്ച അറിയിച്ചു.ഫ്രഞ്ച് ലീഗ് 1 ടീമായ സ്ട്രാസ്‌ബർഗുമായി ജൂലൈയിൽ വേർപിരിഞ്ഞതിന് ശേഷം വിയേര ഏത് ക്ലബിലും പ്രവര്‍ത്തിച്ചിട്ടില്ല.അദ്ദേഹം പ്രീമിയര്‍ ലീഗ് ക്ലബ് ആയ ക്രിസ്റ്റല്‍ പാലസിലും പ്രവര്‍ത്തിച്ചിട്ടുണ്ട്.
സീസണിലെ മങ്ങിയ തുടക്കത്തിന് ശേഷം തരംതാഴ്ത്തൽ മേഖലയ്ക്ക് മുകളിൽ നിൽക്കുന്ന ജെനോവ ചൊവ്വാഴ്ച കോച്ച് ആൽബെർട്ടോ ഗിലാർഡിനോയെ പുറത്താക്കി.ലീഗ് കാമ്പെയ്‌നിലെ ആദ്യ 12 മത്സരങ്ങളിൽ നിന്ന് 10 പോയിൻ്റുള്ള ജെനോവ പോയിൻ്റ് പട്ടികയിൽ 17-ാം സ്ഥാനത്താണ്.48 കാരനായ വിയേര, അമേരിക്കന്‍ ടീമായ ന്യൂയോർക്ക് സിറ്റിയിൽ ചുമതലയേൽക്കുന്നതിന് മുമ്പ്, 2013-2015 കാലഘട്ടത്തിൽ മാഞ്ചസ്റ്റർ സിറ്റിയുടെ അണ്ടർ 23 ടീമിനൊപ്പം തൻ്റെ മാനേജർ കരിയർ ആരംഭിച്ചു.അദ്ദേഹം ലിഗ് 1 സൈഡ് നൈസിൽ രണ്ടര വർഷം ചെലവഴിച്ചിട്ടുമുണ്ട്.2018-19 സീസണിൽ നൈസിൽ ഉണ്ടായിരുന്നപ്പോൾ മരിയോ ബലോട്ടെല്ലിയെ പരിശീലിപ്പിച്ചിട്ടുണ്ട്.ഇറ്റാലിയന്‍ സ്ട്രൈക്കര്‍ ഇപ്പോള്‍ ജെനോവയില്‍ തന്‍റെ പഴയ ഫ്രഞ്ച് മാനേജറുമായി വീണ്ടും ഒന്നിക്കും.
