റൊണാള്‍ഡോയുടെ മികവില്‍ ക്രൊയേഷ്യയെ മലര്‍ത്തി അടിക്കാന്‍ പറങ്കിപ്പട
2024-25 യുവേഫ നേഷൻസ് ലീഗിൻ്റെ ലീഗ് എ ഗ്രൂപ്പ് 1 സമാപന മല്‍സരത്തില്‍ ഇന്ന് ക്രൊയേഷ്യയും പോർച്ചുഗലും ഏറ്റുമുട്ടും.ഇന്ന് ഇന്ത്യന്‍ സമയം ഒന്നേ കാല്‍ മണിക്ക് ആണ് മല്‍സരം നടക്കാന്‍ പോകുന്നത്.ക്രൊയേഷ്യന്‍ നഗരമായ സ്‌പ്ലിറ്റിലെ സ്‌റ്റേഡിയൻ പോൾജൂഡിൽ ആണ് മല്‍സരം നടക്കാന്‍ പോകുന്നത്.ഗ്രൂപ്പ് ജേതാക്കളായി ഇതിനകം തന്നെ പറങ്കികള്‍ ക്വാർട്ടർ ഫൈനലിൽ തങ്ങളുടെ സ്ഥാനം ഇതിനകം സ്ഥിരീകരിച്ചിട്ടുണ്ട്.
എന്നാൽ നോക്കൗട്ട് ഘട്ടങ്ങളിൽ ഒരു സ്ഥാനം ഉറപ്പിക്കാൻ ക്രൊയേഷ്യയ്ക്ക് ഇതിനകം തന്നെ ഒരു ജയം അനിവാര്യം ആണ് .39-ാം വയസ്സിലും ചരിത്രപുസ്തകങ്ങൾ തിരുത്തിയെഴുതുന്ന പോർച്ചുഗൽ താരം ക്രിസ്റ്റ്യാനോ റൊണാൾഡോ വെള്ളിയാഴ്ച പോളണ്ടിനെ തോല്‍പ്പിച്ച മല്‍സരത്തില്‍ വളരെ മികച്ച പ്രകടനം ആണ് പുറത്തു എടുത്തത്.അഞ്ച് ഗോളുകളിൽ രണ്ടിലും അദ്ദേഹം തന്റെ പേര് രേഖപ്പെടുത്തിയിരുന്നു.അന്താരാഷ്ട്ര വേദിയിൽ തൻ്റെ 132-ാം വിജയം കൊണ്ടുവരാനുള്ള അക്രോബാറ്റിക് ഓവർഹെഡ് കിക്ക് ഉൾപ്പെടെ.ഇതിന് മുന്നേ നടന്ന മല്‍സരത്തില്‍ ക്രൊയേഷ്യയെ 2-1 നു പോര്ച്ചുഗല്‍ തോല്‍പ്പിച്ചിരുന്നു.അന്നത്തെ മല്‍സരത്തിലും ഗോള്‍ കണ്ടെത്താന്‍ ആട്ട നായകന്‍ റൊണാള്‍ഡോക്ക് കഴിഞ്ഞിരുന്നു.
