പ്രീമിയര്‍ ലീഗില്‍ വിജയവഴിയിലേക്ക് മടങ്ങി വരാന്‍ യുണൈറ്റഡ് !!!!!
മാഞ്ചസ്റ്റർ യുണൈറ്റഡിൻ്റെ ഇടക്കാല മാനേജർ എന്ന നിലയിൽ നാലാമത്തെയും അവസാനത്തെയും തവണ റൂഡ് വാൻ നിസ്റ്റൽറൂയ് ഓൾഡ് ട്രാഫോർഡ് ടച്ച്‌ലൈനില്‍ ക്ലബ് മാനേജര്‍ ആയി പ്രവര്‍ത്തിക്കും.ഇന്ന് ഇന്ത്യന്‍ സമയം ഏഴര മണിക്ക് യുണൈറ്റഡ് തങ്ങളുടെ ഹോമില്‍ വെച്ച് ലെസ്റ്റര്‍ സിറ്റിയെ നേരിടും.കഴിഞ്ഞ അഞ്ചു മല്‍സരങ്ങളില്‍ നിന്നും ഒരേ ഒരു ജയം മാത്രം നേടിയ ഈ ചെകുത്താന്‍മാര്‍ നിലവില്‍ ലീഗ് പട്ടികയില്‍ 13 ആം സ്ഥാനത്താണ്.
കഴിഞ്ഞ യൂറോപ്പിയന്‍ മല്‍സരത്തില്‍ ഗ്രീക്കു ടീം ആയ പാൻ-തെസ്സലോനിയൻസ് അത്‌ലറ്റിക് ക്ലബ് ഓഫ് കോൺസ്റ്റാൻ്റിനോപൊളിറ്റനെ എതിരില്ലാത്ത രണ്ടു ഗോളിന് ചെകുത്താന്‍മാര്‍ തോല്‍പ്പിച്ചു.അന്നത്തെ മല്‍സരത്തില്‍ യുണൈറ്റഡിന് പ്രതീക്ഷ നല്കിയ വിങ്ങര്‍ – മിഡ്ഫീല്‍ഡര്‍ അമദ് ഡിയല്ലോ വിസിലിന് മുന്നേ തന്നെ ചെറിയ പറ്റി പിച്ച് വിട്ടിരുന്നു.അദ്ദേഹത്തിന് ഇന്നതെ മല്‍സരത്തില്‍ ആദ്യ ഇലവനില്‍ എന്തായാലും കളിയ്ക്കാന്‍ കഴിയില്ല.സെക്കന്‍ഡ് ഹാഫില്‍ യുണൈറ്റഡിന്‍റെ ആക്രമണം മൂര്‍ച്ച കൂട്ടാന്‍ എന്തായാലും ഐവറിയണ്‍ താരത്തിനെ റൂഡ് വാൻ നിസ്റ്റൽറൂയ് വിനിയോഗിക്കും.
