റയല്‍ മാഡ്രിഡ് ഡ്രെസ്സിംഗ് റൂം കലുഷിതം ആകുന്നു ; താരങ്ങളെ പിടിച്ച് നിര്‍ത്താന്‍ പാടുപ്പെട്ട് അന്‍സലോട്ടി
യൂറോപ്പിയന്‍ ഫൂട്ബോളില്‍ റയല്‍ മാഡ്രിഡ് നേടി എടുത്ത ആധിപത്യത്തെക്കാള്‍ പേരെടുത്തിട്ടുള്ളത് അവരുടെ ഡ്രെസ്സിംഗ് റൂമിലെ ഒത്തൊരുമയാണ്.എത്ര വലിയ താരങ്ങള്‍ അങ്ങോട്ട് വന്നാലും ആ ഡ്രെസ്സിംഗ് റൂമില്‍ വലിപ്പ ചെറുപ്പം ഇല്ലാതെ എല്ലാവരും ഇട പഴകണം എന്നാണ് മാനേജ്മെന്‍റ് തത്ത്വം.എന്നാല്‍ ആ മാഡ്രിഡിലെ നിലവിലെ ഡ്രെസ്സിംഗ് റൂമില്‍ താരങ്ങള്‍ പലരും അനേകം പ്രശ്നം നേരിടുന്നു.
കഴിഞ്ഞ മല്‍സരത്തില്‍ ആദ്യ പകുതിക്ക് ശേഷം മിലാനെതിരെ കളിക്കുന്ന ടീമില്‍ നിന്നും വാല്‍വറഡേയെ പുറത്താക്കി.എന്നാല്‍ ഇതിനെ അദ്ദേഹത്തിന്റെ ഭാര്യയായ മിന ബോണിനോ ട്വിറ്ററില്‍ വിമര്‍ശിച്ചു.കുറച്ചു നിമിഷങ്ങള്‍ക്കകം ഈ ട്വീറ്റ് അവര്‍ എടുത്ത് മാറ്റി എങ്കിലും ഇത് ഒരു വലിയ ചര്‍ച്ച വിഷയം ആയി.കാര്‍ലോ അന്‍സാലോട്ടിയോട് ഇതിനെ കുറിച്ച് ചോദിച്ചപ്പോള്‍ ഫെഡെ വാല്‍വറഡേയുടെ മുതുകില്‍ അല്പം അസ്വാസ്ഥ്യം നേരിടുന്നുണ്ട് എന്നും ,അത് കൊണ്ടാണ് അദ്ദേഹത്തിനെ കളിയില്‍ നിന്നും പിന്‍വലിച്ചത് എന്നും കാര്‍ലോ പറഞ്ഞു.എന്നാല്‍ പ്രമുഖ സ്പാനിഷ് കായിക പത്രമായ കാഡേന കോപ്പ് നല്കിയ റിപ്പോര്‍ട്ട് അനുസരിച്ച് ഇത് നുണയാണ് എന്നും മാനേജരില്‍ നിന്നും ഇത് പോലൊരു പെരുമാറ്റം താന്‍ പ്രതീക്ഷിച്ചില്ല എന്നു ഫെഡെ സഹ താരങ്ങളോട് പറഞ്ഞതായും രേഖപ്പെടുത്തിയിട്ടുണ്ട്.റയല്‍ മാഡ്രിഡിന് വേണ്ടി എന്തും നല്കി കളിക്കുന്ന താരത്തിന് മാനേജറില്‍ നിന്നുള്ള ഉള്ള ഈ ഒരു പെരുമാറ്റം വളരെ അധികം വേദനിപ്പിച്ചതായും റിപ്പോര്‍ട്ടില്‍ ഉണ്ട്.
