ഓൾഡ് ട്രാഫോർഡിൽ യുണൈറ്റഡിനെ സമനിലയില്‍ കുരുക്കി ചെല്‍സി
ഇന്നലെ നടന്ന പ്രീമിയര്‍ ലീഗ് മല്‍സരത്തില്‍ ചെല്‍സിയും മാഞ്ചസ്റ്റര്‍ യുണൈറ്റഡും സമനിലയില്‍ പിരിഞ്ഞു.നിശ്ചിത 90 മിനുട്ടില്‍ ഇരു ടീമുകളും ഓരോ ഗോള്‍ വീതം നേടി. ജയ സാധ്യത മാറി മറിഞ്ഞ മല്‍സരത്തില്‍ ചെല്‍സിയാണ് യുണൈറ്റഡിനെക്കാള്‍ അല്പം എങ്കിലും ശക്തമായ പ്രക്‍ദനം കാഴ്ചവെച്ചത്.ഒരു പോയിന്‍റ് നേടിയ ചെല്‍സി നിലവില്‍ ലീഗ് പട്ടികയില്‍ നാലാം സ്ഥാനത്തേക്ക് കയറി.
മല്‍സരത്തില്‍ 70 മിനുറ്റ് വരെ ഏത് ടീമിനും സ്കോര്‍ബോര്‍ഡ് ചലിപ്പിക്കാന്‍ ആയില്ല.എന്നാല്‍ റോബർട്ട് സാഞ്ചസ് റാസ്മസ് ഹോജ്‌ലണ്ടിനേ ഫൌള്‍ ചെയ്തത് മൂലം ലഭിച്ച പെനാല്‍റ്റി വലയിലേക്ക് എത്തിച്ച് കൊണ്ട് ക്യാപ്റ്റന്‍ ബ്രൂണോ ഫെര്‍ണാണ്ടസ് യുണൈറ്റഡിനെ ലീഡിലേക്ക് എത്തിച്ചു.എന്നാല്‍ 4 മിനുറ്റിന് ശേഷം തന്നെ ഒരു കോര്‍നെര്‍ കിക്ക് മര്യാദക്ക് ക്ലിയര്‍ ചെയ്യാന്‍ കസമീറോക്ക് കഴിയാത്തത് മൂലം ചെല്‍സി സ്കോര്‍ സമനിലയില്‍ ആക്കി.മോയിസെസ് കൈസെഡോ ഒരു മികച്ച വോളിയിലൂടെ യുണൈറ്റഡ് വല ഭേദിച്ചു.
