പ്രീമിയര്‍ ലീഗില്‍ സിറ്റിയെ തള്ളിമാറ്റി ഒന്നാം സ്ഥാനത്ത് എത്തി ലിവര്‍പൂള്‍ !!!!!
ആന്‍ഫീല്‍ഡില്‍ ലിവര്‍പൂളിനെ തെല്ലും ഭയം ഇല്ലാതെ തന്നെ നേരിട്ടു എങ്കിലും ഹോം ടീമിനെ തോല്‍പ്പിക്കാന്‍ ആവുന്ന പ്രകടനം ഒന്നും ബ്രൈട്ടന് പുറത്തു എടുക്കാന്‍ കഴിഞ്ഞില്ല.ഒരു ഗോള്‍ ലീഡ് നേടി താല്‍ക്കാലികം ആയി ആന്‍ഫീല്‍ഡ് ഒന്നു വിറപ്പിക്കാന്‍ കഴിഞ്ഞു എന്നത് മാത്രം ആണ് ഇന്നലത്തെ മല്‍സരത്തിലെ ബ്രൈട്ടന്റെ നേട്ടം.ഒന്നിനെതിരെ രണ്ടു ഗോളിന് ലിവര്‍പൂള്‍ ജയം നേടി.
ഇത് ബ്രൈട്ടന് നേരെ ലിവര്‍പൂള്‍ നേടുന്ന തുടര്‍ച്ചയായ രണ്ടാമത്തെ വിജയം ആണ്.14 ആം മിനുട്ടില്‍ ഫെർഡി കാഡിയോഗ്ലവാണ് ലിവര്‍പൂളിനെതിരെ ഗോള്‍ നേടിയത്.ആദ്യ പകുതിയില്‍ ഇതിന് തക്കതായ മറുപടി ഒന്നും നല്കാന്‍ ഇവര്‍ക്ക് കഴിഞ്ഞില്ല.എന്നാല്‍ രണ്ടാം പകുതിയില്‍ മാനേജര്‍ അര്‍ണീ സ്ലോട്ട് കര്‍ട്ടിസ് ജോണ്‍സിനെയും ലൂയിസ് ഡിയാസിനെയും കളിയ്ക്കാന്‍ ഇറക്കിയത് ലിവര്‍പൂള്‍ മുന്നേറ്റത്തില്‍ അല്പം ചലനാത്മകത സൃഷ്ട്ടിച്ചു.ഇത് തുടര്‍ച്ചയായ ഗോള്‍ അവസരങ്ങള്‍ക്ക് വഴി ഒരുക്കി.70 ആം മിനുട്ടില്‍ കോഡി ഗാക്ക്പ്പോ സ്കോര്‍ സമനിലയില്‍ ആക്കി.72 ആം മിനുട്ടില്‍ തന്‍റെ ട്രേഡ് മാര്‍ക്ക് ഗോളോടെ ലിവര്‍പൂളിനെ സല മുന്നില്‍ എത്തിച്ചതോടെ ആന്‍ഫീല്‍ഡ് ഇളകി മറിഞ്ഞു.ജയത്തോടെ പ്രീമിയര്‍ ലീഗ് പട്ടികയില്‍ ഒന്നാം സ്ഥാനത്ത് എത്താനും റെഡ്സിന് കഴിഞ്ഞു.
