ഇന്ത്യ – കിവീസ് മൂന്നാം ടെസ്ട് ; പടിക്കില്‍ കലം ഉടച്ച് ഇന്ത്യ !!!
സംഭവബഹുലമായ മൂന്നാമത്തെയും അവസാനത്തെയും ടെസ്റ്റിന്‍റെ ആദ്യ ദിനത്തില്‍ ന്യൂസിലൻഡിനെ 235 റൺസിന് പുറത്താക്കി രവീന്ദ്ര ജഡേജയും വാഷിംഗ്ടൺ സുന്ദറും ഇന്ത്യക്ക് അല്പം പ്രതീക്ഷ നല്കി എങ്കിലും അവസാന രണ്ടോവറില്‍ ഇതെല്ലാം ബ്ലൂസ് കളഞ്ഞു കുളിച്ചു.ആദ്യ ദിനം കളി നിര്‍ത്തുമ്പോള്‍ ഇന്ത്യ നാല് വിക്കറ്റ് നഷ്ട്ടത്തില്‍ 86 റണ്‍സ് എടുത്തിരിക്കുകയാണ്.18 ആം ഓവറില്‍ ജൈസ്വാളിനെയും സിറാജിനെയും ഒരുമിച്ച് പുറത്താക്കി കൊണ്ട് അജാസ് പട്ടേല്‍ ഇന്ത്യയെ സമ്മര്‍ദത്തില്‍ ആഴ്ത്തി.
അതിനു ശേഷം ബാറ്റ് ചെയ്യാന്‍ എത്തിയ കോഹ്ലി റണ്‍ ഔട്ട് ആവുകയും ചെയ്തു.നിലവില്‍ ഇന്ത്യക്ക് വേണ്ടി ശുബ്മാന്‍ ഗിലും (31 റണ്‍സ് ) , ഋഷബ് പന്തും (1 റണ്‍സ്) ആണ് ക്രീസില്‍ ഉള്ളത്.ആദ്യം ടോസ് നേടിയ കിവി ആദ്യം ബാറ്റ് ചെയ്യാന്‍ തീരുമാനിക്കുകയായിരുന്നു.എന്നാല്‍ അവര്‍ക്ക് തുടക്കത്തില്‍ തന്നെ കാര്യങ്ങള്‍ എല്ലാം പിഴച്ചു.നാലാം ഓവറില്‍ തന്നെ കോണ്‍വെയെ ആകാശ് ഡീപ് വിക്കറ്റിന് മുന്നില്‍ കുരുക്കി.അതിനു ശേഷം ലാതവും വില്‍ യംങ്ങും ചെറിയ രീതിയില്‍ പാര്‍ട്ട്ണര്‍ഷിപ്പിന് കളം ഒരുക്കിയപ്പോള്‍ അവിടെ രവീന്ദ്ര ജഡേജയും വാഷിങ്ട്ടണ്‍ സുന്തറും വിളന്മാരായി ഭവിച്ചു.ജഡേജയും (5/65), സുന്ദറും (4/81) ശേഷിക്കുന്ന എല്ലാ ന്യൂസിലാണ്ട് വിക്കറ്റുകളും സ്വന്തമാക്കി.അല്പം എങ്കിലും ചെറുത് നില്പു കാഴ്ചവെച്ചത് വിൽ യങ് (71), ഡാരിൽ മിച്ചൽ (82) എന്നിവര്‍ മാത്രം ആണ്.
