” ഈ ജയം ആരാധകര്‍ക്ക് വേണ്ടി ഉള്ളത് ” – റഫീഞ്ഞ
ബയേൺ മ്യൂണിക്കിനെതിരായ ചാമ്പ്യൻസ് ലീഗ് 4-1ന് ബുധനാഴ്ചത്തെ തകർപ്പൻ വിജയം റഫീഞ്ഞ ആരാധകര്‍ക്ക് വേണ്ടി സമര്‍പ്പിച്ചു.ഇന്നലെ നടന്ന മല്‍സരത്തില്‍ ഹാട്രിക്ക് നേടിയ താരം ആണ് മാന്‍ ഓഫ് ദി മാച്ച്.മത്സരത്തിൽ ബയേണിനെതിരെ കറ്റാലൻ ക്ലബ് തുടർച്ചയായ ആറ് തോൽവികൾക്കുള്ള മറുപടിയാണ് നല്കിയത്.ഹാട്രിക്ക് നേടിയ റഫീഞ്ഞ ബാഴ്സക്ക് വേണ്ടി 100 ആമത്തെ മല്‍സരം ആണ് കളിച്ചിരിക്കുന്നത്.
“ഈ ജയം ആണ് ഞാന്‍ ആരാധകര്‍ക്ക് വേണ്ടി സമര്‍പ്പിക്കുന്നു.എട്ട് ഗോളിന് ബാഴ്സലോണ തോറ്റപ്പോള്‍ ഞാന്‍ അന്ന് ഈ ടീമില്‍ ഉണ്ടായിരുന്നില്ല.എന്നാല്‍ ഒരു ആരാധകന്‍ എന്ന നിലയില്‍ എന്നെ ഏറെ വിഷമിപ്പിച്ച് സന്ദര്‍ഭം ആയിരുന്നു അത്.ഇപ്പോള്‍ അത് മാറിയിരിക്കുന്നു. ക്ലബിനായി എൻ്റെ 100-ാം മത്സരത്തിൽ [ഹാട്രിക്] സ്‌കോർ ചെയ്യുന്നത് അതിശയകരവും സവിശേഷവുമായ ഒരു രാത്രിയാണ്.എന്‍റെ പ്രകടനത്തിലും ഞങ്ങൾ കളിച്ച രീതിയിലും ഞാൻ വളരെ സന്തുഷ്ടനാണ്.ഒരു ടീം എന്ന നിലയിൽ, ഞങ്ങൾ നന്നായി കളിച്ചു, അതാണ് എന്നെ സംബന്ധിച്ചിടത്തോളം ഏറ്റവും പ്രധാനപ്പെട്ട കാര്യം. ചാമ്പ്യൻസ് ലീഗിൽ രണ്ടാം ജയം നേടുന്നു എന്നതും എന്നെ സംബന്ധിച്ച് വലിയ കാര്യം ആണ്.” മല്‍സരശേഷം റഫീഞ്ഞ മാധ്യമങ്ങളോട് പറഞ്ഞു.
