നായകൻ തിരിച്ചെത്തുന്നു : വെസ്റ്റ് ഇൻഡീസിനെതിരെയുള്ള വൈറ്റ് ബോൾ പര്യടനത്തിനുള്ള ഇംഗ്ലണ്ട് ടീമിനെ പ്രഖ്യാപിച്ചു
ഇംഗ്ലണ്ടിൻ്റെ വൈറ്റ് ബോൾ ടീമുകളെ നയിക്കാൻ ക്യാപ്റ്റൻ ജോസ് ബട്ട്‌ലർ കാലിൻ്റെ പരുക്കിൽ നിന്ന് മോചിതനായി തിരിച്ചെത്തുന്നു, ലെഗ് സ്പിന്നർ ജാഫർ ചോഹൻ ഈ മാസം അവസാനം വെസ്റ്റ് ഇൻഡീസ് പര്യടനത്തിൽ അരങ്ങേറ്റം കുറിക്കുമെന്ന പ്രതീക്ഷയിലാണ്. ഓസ്‌ട്രേലിയയ്‌ക്കെതിരായ പരിമിത ഓവർ പരമ്പര ബട്‌ലറിന് നഷ്ടമായിരുന്നു.
23 ടി20കൾ കളിച്ചിട്ടുണ്ടെങ്കിലും ഇതുവരെ ലിസ്റ്റ് എയിൽ അരങ്ങേറ്റം കുറിച്ചിട്ടില്ലാത്ത ലെഗ് സ്പിന്നർ ജാഫർ ചോഹാനും ടീമിൽ ഇടംപിടിച്ചിട്ടുണ്ട്. ജോൺ ടർണറും ഡാൻ മൗസ്‌ലിയുമാണ് മറ്റ് അൺകാപ്പ്ഡ് താരങ്ങൾ. ഇരുവരും ഓസ്‌ട്രേലിയൻ പരമ്പരയുടെ ഭാഗമായിരുന്നെങ്കിലും ഇരുവർക്കും മത്സരം ലഭിച്ചില്ല.
14 കളിക്കാരുടെ ടീമിനെ തിരഞ്ഞെടുത്തു, പാകിസ്ഥാനിലെ ടെസ്റ്റ് ടീമിൽ നിന്ന് രണ്ട് കളിക്കാരെ ഉൾപ്പെടുത്തും. ഒക്‌ടോബർ 24-ന് റാവൽപിണ്ടിയിൽ ആരംഭിക്കുന്ന മൂന്നാം ടെസ്റ്റിനുള്ള തിരഞ്ഞെടുപ്പിന് ശേഷം കരീബിയൻ ദ്വീപിലെ വൈറ്റ് ബോൾ ടീമിലേക്കുള്ള ഈ രണ്ട് കളിക്കാരെ തിരഞ്ഞെടുക്കും. ഒക്‌ടോബർ 31 മുതൽ മൂന്ന് ഏകദിനങ്ങളിലും അഞ്ച് ടി20യിലുമാണ് ഇംഗ്ലണ്ട് വെസ്റ്റ് ഇൻഡീസുമായി കളിക്കുക.
ഇംഗ്ലണ്ട് പരിമിത ഓവർ ടീം: ജോസ് ബട്ട്‌ലർ , ജോഫ്ര ആർച്ചർ, ജേക്കബ് ബെഥേൽ, ജാഫർ ചോഹാൻ, സാം കുറാൻ, വിൽ ജാക്ക്‌സ്, ലിയാം ലിവിംഗ്‌സ്റ്റൺ, സാഖിബ് മഹമൂദ്, ഡാൻ മൗസ്‌ലി, ജാമി ഓവർട്ടൺ, ആദിൽ റഷീദ്, ഫിൽ സാൾട്ട്, റീസ് ടോപ്‌ലി, ജോൺ ടർണർ .
