ചാരത്തില്‍ നീന്നും പറന്നു ഉയര്‍ന്ന് ഫീനിക്ക്സ് പക്ഷിയായി ബാഴ്സലോണ
സ്വിസ് ക്ലബ് യംഗ് ബോയ്സിനെ എതിരില്ലാത്ത അഞ്ചു ഗോളിന് തകര്‍ത്തതിന് ശേഷം ബാഴ്സലോണ തങ്ങളുടെ പരാജയത്തില്‍ നിന്നും ഉയര്‍ന്നു പൊന്തി.ലാലിഗയിൽ തുടർച്ചയായ ഏഴ് വിജയങ്ങൾ നേടിയ ബാഴ്സലോണ, ശനിയാഴ്ച ഒസാസുനയിൽ 4-2ന് ഞെട്ടിക്കുന്ന തോൽവി ഏറ്റുവാങ്ങിയിരുന്നു.എന്നാല്‍ ആ തോല്‍വിയെ വെറും നിഷ്പ്രഭം ആക്കി കൊണ്ടുള്ള പ്രകടനം ആണ് അവര്‍ ഇന്നലെ തങ്ങളുടെ ഹോം ഗ്രൌണ്ടില്‍ കാഴ്ചവെച്ചത്.
റഫീഞ്ഞ നല്കിയ പാസില്‍ എട്ടാം മിനുട്ടില്‍ നിന്നു തന്നെ ലീഡ് നേടി ലെവന്‍ഡോസ്ക്കി സ്കോര്‍ബോര്‍ഡില്‍ ഇടം നേടി.അതിനു ശേഷം ആദ്യ പകുതി തീരുന്നതിന് മുന്‍പ് തന്നെ റഫീഞ്ഞ,ഇനിഗോ എന്നിവരും ഗോളുകള്‍ കണ്ടെത്തി.ഒരു കോര്‍ണര്‍ കിക്കില്‍ നിന്നുമാണ് ഇനിഗോ ഹെഡറിലൂടെ ഗോള്‍ കണ്ടെത്തിയത്.അതിനു ശേഷം 51 ആം മിനുട്ടില്‍ ഇനിഗോയുടെ പാസില്‍ നിന്നും റോബര്‍ട്ട് വീണ്ടും വല കണ്ടെത്തി.തോല്‍വിയുടെ ആക്കം വര്‍ദ്ധിപ്പിച്ച് കൊണ്ട് യംഗ് ബോയ്സ് താരം മുഹമ്മദ് അലി കാമറ ഓണ്‍ ഗോളും നേടി.അതോടെ വളരെ വിലപ്പെട്ട മൂന്നു പോയിന്‍റ് നേടി ബാഴ്സ യംഗ് ബോയ്സിനെ യാത്ര അയച്ചു.
